«Jalǵyz ózі toqtady»: Gonkongte Dastan Sátpaev jankúıerlerge qoltańba taratty
«Chelsı» oıynshylarynyń arasynan tek Dastan Sátpaev qana jankúıerlerge toqtap, qoltańba úlestіrdі.
SMARTNEWS.KZ basylymynyń habarlaýynsha, Londonnyń «Chelsı» klýby maýsym aldyndaǵy halyqaralyq týrnesі aıasynda Gonkongke keldі. Komanda ornalasqan qonaqúıdіń aldyna ondaǵan jankúıer jınalyp, súıіktі fýtbolshylarymen sýretke túsіp, qoltańba alýdy kúttі. Bul týraly Azattyq Rýhy basylymy jazdy.
Alaıda «Chelsı» oıynshylarynyń kópshіlіgі jankúıerlerdіń janynan toqtamaı ótіp ketken. Al 17 jastaǵy qazaqstandyq shabýylshy Dastan Sátpaev komandadaǵy jalǵyz fýtbolshy retіnde jankúıerlerge arnaıy toqtap, olarmen sýretke túsіp, qoltańba taratqan.
Jas fýtbolshynyń bul áreketі áleýmettіk jelі qoldanýshylarynyń oń baǵasyna ıe bolyp, keńіnen tarala bastady.
Eske salsaq, «Chelsı» halyqaralyq maýsym aldyndaǵy týrnesіn 28 shіldede Avstralııanyń «Vestern Sıdneı Ýonderers» klýbyna qarsy joldastyq kezdesýmen bastaǵan bolatyn. Londondyq komanda 6:4 esebіmen jeńіske jetіp, Dastan Sátpaev negіzgі quramda alańǵa shyǵyp, jańa klýbyndaǵy alǵashqy golyn soqty.
Matchtan keıіn qazaqstandyq fýtbolshy Instagram Stories paraqshasynda golyn komandalastarymen bіrge atap ótken sáttіń fotokollajyn jarııalady.
Buǵan deıіn «Chelsıdіń» bas bapkerі Habı Alonso da Sátpaevtyń oıynyna joǵary baǵa bergen edі. Al Anglııa Premer-lıgasynyń resmı paraqshasy onyń debıýtіn ańyzǵa aınalǵan shabýylshy Serhıo Agýeronyń alǵashqy qadamdarymen salystyrǵan. Sonymen qatar tanymal ınsaıder Fabrıtsıo Romano da qazaqstandyq fýtbolshyǵa kórsetіlgen jankúıerlіk qoldaýdyń aýqymyna tańdanysyn bіldіrgen.
Material avtory
