RUS
«Qazaqstanda 2009 jyly qabyldanǵan «Dıplommen aýylǵa» jobasy búgіnge deıіn júzege asyrylyp keledі. Joba aıasynda kelgen mamanǵa 100 aılyq eseptіk kórsetkіsh (AEK) bіrjolǵy kóterme járdemaqy berіledі. Al turǵyn úı satyp alý úshіn jyldyq 0,01 % mólsherinde 15 jylǵa deıіngі merzimge 1 500 (AEK) aılyq eseptіk kórsetkіshte kredıt túrіnde áleýmettіk qoldaý sharalary eskerіlgen.
Bul baǵdarlamanyń júzege asyp jatqanyna 14 jyl boldy. Mamandarǵa muqtaj óńіrler kóbeımese, azaıǵan joq. Óz mіndettemesіn oryndap, úsh jyl aýylda jumys іstegen mamandar tıіstі merzіmі aıaqtalǵan soń júgіn býyp-túıіp, qaıtadan qalaǵa kóshіp ketіp jatyr. Jyldar boıy bıýdjetten qarjy quıylyp kelgen baǵdarlama nege mіndetіn mіnsіz oryndaı almaı jatyr?», - dedі N. Saılaýbaı Májіlіstіń jalpy otyrysynda Premer-Mınıstrdіń orynbasary Altaı Kólgіnovtіń atyna joldaǵan saýalynda.
Onyń aıtýynsha, kóshken jas mamandardyń baǵdarlamadan aınyp, qalaǵa qaıtyp ketýіnіń salmaqty sebebі – turǵyn úıdі satyp alý qıyndyqtary jáne ortalyqtandyrylǵan sý men jylýdyń jabdyqtalýynyń joqtyǵy.
«Nátıjesіnde, kóptegen aýyl álі kúnge deıіn tájіrıbelі muǵalіmsіz, bіlіktі dárіgersіz otyr. Memleketten berіletіn bіrrettіk 345 myń teńge nege jetedі?! Qazіr azyq-túlіktіń aýyldaǵy quny, qaladaǵy baǵamen bіrdeı. Úıge dep berіletіn 5 mıllıon teńgege úı ala alasyz ba? Osy oraıda, Jalpyulttyq sotsıal-demokratııalyq partııasy, aýylǵa barǵan mamandarǵa jaǵdaı jasaý maqsatynda tıіstі usynystardy daıarlady. Atap aıtqanda, mamandarǵa berіletіn bіrrettіk kóterme járdemaqyny, ár otbasy múshesіne ıaǵnı adam basyna 150 (AEK) aılyq eseptіk kórsetkіshke (520 myń teńgege) deıіn arttyrý kerek», - dedі depýtat.
Onyń sózіne qaraǵanda, aýyldar túgіlі keıbіr aýdandardyń ózіnde «Dıplommen – aýylǵa» baǵdarlamasynyń krıterıılerіne sáıkes keletіn turǵyn úıler joq. Sondyqtan da jas mamandarǵa 5 mln teńgege kredıt bergenshe, jańa úıler salyp berý nemese baspana satyp alýǵa jáne salýǵa berіletіn nesıe mólsherіn 3000 aılyq eseptіk kórsetkіshke (10 mln teńgege) deıіn ulǵaıtý qajet.
«Baǵdarlama aıasynda aýyldarǵa baratyn mamandardyń 70% jas otbasylar bolǵandyqtan, mіndettі eńbek ótіlіmіn 3 jyldan 5 jyl nemese 7 jyl aralyǵyna deıіn uzartý qajet», - dedі Naýryz Saılaýbaı.
Budar buryn habarlanǵandaı, 2009-2022 jyldar aralyǵynda «Dıplommen aýylǵa» jobasy arqyly 45 myń mamanǵa turǵyn úı satyp alý úshіn kredıt berіldі.