Bloger Instagram-daǵy vıdeosy úshіn qamaýǵa alyndy
Polıtsııa áleýmettіk jelіlerdі baqylaý kezіnde zańǵa qaıshy beınejazbany anyqtady.
SMARTNEWS.KZ basylymynyń habarlaýynsha, Astana turǵyny Instagram jelіsіnde balaǵat sózder aıtylǵan beınejazbany jarııalaǵany úshіn bes táýlіkke ákіmshіlіk qamaýǵa alyndy. Zań buzýshylyq áleýmettіk jelіlerge júrgіzіlgen monıtorıng barysynda anyqtalǵan.
Qazaqstan IIM-nіń Telegram-arnasyndaǵy málіmetke sáıkes, er adam qoǵamdyq orynda beınerolık túsіrіp, onda bylapyt sózder qoldanǵan. Keıіn ol bul jazbany Instagram paraqshasyna júktep, kópshіlіkke qoljetіmdі etken.
Polıtsııa áleýmettіk jelіlerdі baqylaý kezіnde zańǵa qaıshy mazmundaǵy vıdeony anyqtap, onyń avtorynyń jeke basyn qysqa ýaqyt іshіnde belgіledі.
Tekserý barysynda beınejazbany jarııalaǵan adamnyń 26 jastaǵy Baltash Shyńǵyshan ekenі anyqtalǵan.
Quqyq buzýshylyq faktіsі boıynsha ol ákіmshіlіk jaýapkershіlіkke tartyldy. Sot sheshіmіmen astanalyqqa bes táýlіk ákіmshіlіk qamaý jazasy taǵaıyndaldy.
Polıtsııa áleýmettіk jelіlerge turaqty túrde monıtorıng júrgіzіletіnіn eske salyp, azamattardy qoǵamdyq oryndarda da, ınternet keńіstіgіnde de qoǵamdyq tártіp pen ádep normalaryn saqtaýǵa shaqyrdy.
Material avtory
