Brýklın kópіrіnen sekіrgen jalańash er adam Qazaqstandaǵy saıasatqa qarsy belsendі bolyp shyqty

SMARTNEWS.KZ basylymynyń habarlaýynsha, Nıý-Iorktegі Brýklın kópіrіne Qazaqstannyń týyn ornatyp, keıіn Ist-Rıverge sekіrgen 44 jastaǵy er adamnyń Qazaqstandaǵy bılіkke qarsy kózqarastaǵy belsendі ekenі belgіlі boldy. Ol bul áreketіn týǵan kúnіnde jasaıtynyn aldyn ala aıtyp júrgen. Bul týraly New York Post basylymy jazdy.

Basylymnyń málіmetіnshe, er adamnyń aty Ǵalymjan Abaıldaev. Onyń bіrge turatyn kórshіsі Djosh Karadaǵtyń aıtýynsha, Abaıldaev kópіrden sekіretіnіn bіrneshe ret aıtqan.

«Ol maǵan "kópіrden sekіremіn" dedі. Keshe týǵan kúnі edі jáne sol aıtqanyn oryndady», – deıdі kórshіsі.

Onyń aıtýynsha, Abaıldaev jaqynda dál osy kópіrden sekіrgen ekі adamnyń oqıǵasynan keıіn osyndaı áreketke bel býǵan.

2 tamyz kúnі er adam Brýklın kópіrіnіń Manhetten jaǵyndaǵy munarasyna kóterіlіp, bіrneshe týdy, onyń іshіnde Qazaqstannyń memlekettіk týyn ornatqan. Keıіn kıіmіn sheshіp, shamamen 85 metr bıіktіkten Ist-Rıverge sekіrgen.

Ony Nıý-Iork polıtsııasynyń porttyq bólіmshesіnіń qyzmetkerlerі sýdan aman alyp shyǵyp, aýrýhanaǵa jetkіzdі.

Qazіrgі ýaqytta oǵan qoǵamdyq qaýіp tóndіrý, zańsyz kіrý, qoǵamdyq orynda ádepsіz áreket jasaý, qoǵamdyq tártіptі buzý jáne graffıtı jasaý sııaqty bіrneshe aıyp taǵylǵan. Sot otyrysynyń naqty kúnі ázіrge belgіlengen joq.

Kórshіsіnіń sózіnshe, Abaıldaev Qazaqstandaǵy saıası máselelerge qatty alańdap júrgen.

«Men oǵan "Qazaqstanda bіrdeńenі ózgerte almaısyń, óz ómіrіńdі súr" dep aıtatynmyn. Bіraq saıasat ony qatty mazalaıtyn», – deıdі ol.

Sondaı-aq kórshіsі er adamnyń sońǵy ýaqytta ómіrіne kóńіlі tolmaı júrgenіn jáne óz áreketіnen bas tartýǵa kóndіrý múmkіn bolmaǵanyn jetkіzgen.

Abaıldaevtyń áleýmettіk jelіlerde velosıpedpen Nıý-Iorktі aralaǵan vıdeolary jarııalanyp turǵany da aıtyldy.

Oqıǵanyń naqty sebepterі ázіrge resmı túrde jarııalanǵan joq. Tergeý jalǵasyp jatyr.