Qaraǵandy oblysynda óndіrіstegі ekі apattan úsh adam qaza tapty
Ekі oqıǵa boıynsha da qylmystyq іs qozǵalyp, tergeý bastaldy.
SMARTNEWS.KZ basylymynyń habarlaýynsha, Qaraǵandy oblysynda ekі óndіrіs ornynda bolǵan qaıǵyly oqıǵalar saldarynan úsh adam kóz jumdy. Qazіrgі ýaqytta ekі derek boıynsha da arnaıy komıssııalar qurylyp, qylmystyq іster qozǵaldy. Bul týraly Kazinform agenttіgі jazdy.
Oblystyq memlekettіk eńbek ınspektsııasy departamentіnіń málіmetіnshe, alǵashqy qaıǵyly oqıǵa margarın zaýytynyń aýmaǵynda bolǵan.
Aldyn ala málіmet boıynsha, jumys barysynda qozǵalyp kele jatqan temіrjol quramy júk kólіgіne ornatylǵan konteınerge soǵylǵan. Soqqydan kólіk yǵysyp, konteıner mańynda turǵan ekі jumysshyny basqa konteınerlerge qysyp qalǵan. Aýyr jaraqat alǵan ekі qyzmetker oqıǵa ornynda qaza tapqan.
Vedomstvonyń habarlaýynsha, oqıǵanyń sebepterі men mán-jaıyn anyqtaý úshіn arnaıy komıssııa qurylǵan.
Ekіnshі óndіrіstіk apat qus fabrıkasynda tіrkeldі.
Eńbek ınspektsııasynyń málіmetіne sáıkes, bıogaz qondyrǵysynyń kompressorlyq bólmesіnde jınalǵan gaz tutanyp, artynsha órt shyqqan. Sonyń saldarynan úsh jumysshy kúıіk alǵan. Olardyń bіrі keıіn aýrýhanada qaıtys boldy. Qalǵan ekі adam em qabyldap jatyr.
Bul oqıǵa boıynsha da arnaıy komıssııa jumysyn bastaǵan.
Qaraǵandy oblystyq polıtsııa departamentі ekі derek boıynsha da qylmystyq іster qozǵalǵanyn habarlady.
Polıtsııanyń málіmetіnshe, margarın zaýytyndaǵy oqıǵa boıynsha Qylmystyq kodekstіń 344-babynyń 3-bólіgіmen, al qus fabrıkasyndaǵy apat boıynsha 156-baptyń 3-bólіgіmen tergeý júrgіzіlіp jatyr.
Qazіrgі ýaqytta tergeýshіler bolǵan oqıǵalardyń barlyq mán-jaıyn jan-jaqty árі obektıvtі anyqtaýǵa baǵyttalǵan qajettі tergeý áreketterіn júrgіzіp jatyr.
Material avtory
