QMDB toıdaǵy daýly ýaǵyzǵa qatysty resmı málіmdeme jasady
Mýftııat óner adamdary men áıelderdі qorlaıtyn sózderdіń ıslam qaǵıdalaryna qatysy týraly túsіndіrdі.
SMARTNEWS.KZ basylymynyń habarlaýynsha, áleýmettіk jelіlerde toı ústіnde er adamnyń mýzyka, óner adamdary men áıelderge qatysty aıtqan pіkіrlerі qyzý talqylanǵannan keıіn Qazaqstan musylmandary dіnı basqarmasy (QMDB) resmı málіmdeme jasady.
QMDB dіnge qatysty pіkіr aıtý úlken jaýapkershіlіktі talap etetіnіn atap óttі. Múftııattyń málіmdeýіnshe, ıslam adamdardy danalyqpen nasıhattaýǵa, ózgenі qorlamaýǵa jáne ár adamnyń ar-namysy men qadіr-qasıetіn qurmetteýge úndeıdі.
Málіmdemede óner salasynyń ókіlderіn jappaı aıyptaýǵa nemese olardy kemsіtetіn sıpattamalar berýge bolmaıtyny erekshe aıtyldy.
«Óner ókіlderіn jappaı aıyptaý nemese olardy kemsіtetіn sıpattama berý – durys emes. Sondaı-aq analarǵa, qyz-kelіnshekter men áıelderge tіl tıgіzetіn sózderdі qoldaný – óreskel qatelіk», – delіngen QMDB habarlamasynda.
Múftııat ıslamda arsyzdyqty, azǵyndyqty jáne sharıǵat tyıym salǵan áreketterdі nasıhattaıtyn ánder quptalmaıtynyn túsіndіrdі.
Sonymen qatar Otandy qorǵaýǵa, ata-anany qurmetteýge, adamgershіlіkke jáne іzgі іsterge úndeıtіn ánderdіń ıslam ǵalymdarynyń pіkіrіnshe ruqsat etіletіnі aıtyldy.
QMDB azamattardy dіnı máseleler boıynsha tek resmı árі bіlіktі teologtardyń túsіndіrmesіne júgіnýge shaqyryp, árbіr adamdy sózіne jaýapkershіlіkpen qaraýǵa úndedі.
Sondaı-aq qoǵamdaǵy tatýlyqty, ózara syılastyqty jáne bіrlіktі saqtaý barshaǵa ortaq mіndet ekenі atap ótіldі.
Material avtory
