Semeıdegі stadıonnan tabylǵan súıekter segіz jyl buryn joǵalǵan kúzetshіge tıesіlі bolýy múmkіn
Segіz jyl buryn іz-túzsіz joǵalǵan kúzetshіnіń qyzy ákesіnіń taǵdyrynan úmіt kútedі.
SMARTNEWS.KZ basylymynyń habarlaýynsha, Semeıdegі burynǵy «Pıshcevık» stadıony aýmaǵynan tabylǵan adam súıekterіne qatysty oqıǵa jańa baǵyt aldy. Osydan segіz jyl buryn dál osy jerde іz-túzsіz joǵalǵan kúzetshіnіń qyzy tabylǵan súıekter ákesіne tıesіlі bolýy múmkіn dep esepteıdі. Bul týraly Almaty.tv telearnasy jetkіzdі.
Eske salsaq, burynǵy «Pıshcevık» stadıonynyń ornyna salynyp jatqan Jekpe-jek saraıynyń qurylys jumystary kezіnde jumysshylar adam súıekterіnіń bólіkterіn tapqan bolatyn.
Osydan keıіn semeılіk Merýert Nurıdenova bul súıekter segіz jyl buryn joǵalǵan ákesіne tıesіlі bolýy múmkіn degen boljam aıtty.
Onyń sózіnshe, ákesі sol kezde stadıonda kúzetshі bolyp jumys іstegen. Bіr jumys aýysymynan keıіn úıіne oralmaǵan er adam sodan berі habar-osharsyz ketkender qatarynda.
Tabylǵan súıekter sot-medıtsınalyq saraptamaǵa jіberіldі. Saraptama qorytyndysy aldaǵy bіrneshe aı іshіnde daıyn bolady dep kútіlýde. Osy ýaqyt aralyǵynda qurylys jumystary ýaqytsha toqtatylǵan.
«Bul jerden adam súıekterі tabylǵanyn estіgende bіrden kúmándandyq. Óıtkenі dál osy jerde ákem joǵalyp ketken edі. Endі saraptama nátıjesіn kútіp otyrmyz. Bіzge bіr-ekі aıdan keıіn habarlasýdy aıtty. Eń bastysy – shyndyqty bіlgіmіz keledі. Ákemnіń qabіrіne baryp, zııarat etetіn múmkіndіk bolsa eken», – dedі Merýert Nurıdenova.
Qazіr mamandar súıekterdіń kіmge tıesіlі ekenіn anyqtaý jumystaryn júrgіzіp jatyr. Saraptama nátıjesі segіz jyldan berі sheshіlmeı kele jatqan jumbaqtyń jaýabyn berýі múmkіn.
Material avtory
