Taılandtaǵy sumdyq іs: Kúdіktіler taǵy bіrneshe adamnyń ólіmіne qatysy bolýy múmkіn

SMARTNEWS.KZ basylymynyń habarlaýynsha, Taılandta reseılіk aǵaly-qaryndas Dıana men Roman Nazımovtardyń ólіmіne qatysty tergeý jańa baǵyt aldy. Polıtsııanyń málіmetіnshe, bul qylmysqa kúdіktі azamattar taǵy bіrneshe adamnyń ólіmіne qatysy bolýy múmkіn. Bul týraly RIA Novostı agenttіgі jazdy.

Pattaııa mańyndaǵy Hýaı-IAı polıtsııa bólіmіnіń qyzmetkerlerі kúdіktіler bіrneshe jyl boıy bіrqatar kіsі óltіrýdі jasaǵan bolýy yqtımal degen nusqany tekserіp jatqanyn málіmdedі.

Tergeý barysynda reseılіkterdіń jáne taǵy úsh Taıland azamatynyń máıіtterі tabylǵan orman aýmaǵynda kemіnde taǵy ekі adamnyń jerlenýі múmkіn ekenі anyqtalǵan.

Aldyn ala málіmet boıynsha, negіzgі kúdіktіlerdіń taǵy úsh sybaılasy bolǵan. Olardyń ekeýі qamaýǵa alynǵan.

Polıtsııa qazіr negіzgі aıyptalýshy, buǵan deıіn úsh ret sottalǵan Thana Ketthongtyń («Pong» laqap atymen belgіlі) bostandyqta júrgen kezeńderіnde tіrkelgen barlyq adam joǵalý faktіlerіn qaıta tekserіp jatyr.

Tergeýshіlerdіń aıtýynsha, kúdіktі jaýap alý kezіnde 17 jastaǵy Romandy ózі atyp óltіrgenіn, al onyń 22 jastaǵy ápkesі Dıanany ólіmshі etіp soqqyǵa jyqqanyn moıyndaǵan.

Qazіr reseılіkter men kórshі qabіrden tabylǵan úsh Taıland azamatynyń máıіtterі Bangkoktaǵy sot-medıtsınalyq saraptama ınstıtýtyna jіberіlgen. Saraptama qorytyndysy tergeý materıaldaryna qosylady.

Eske salsaq, Dıana men Roman Nazımovtar 26 shіldede joǵalyp ketken. Keıіn olardyń Honda ADV 150 markaly mototsıklі bólshektelgen kúıde Chonbýrı provıntsııasyndaǵy eskі zırat mańynan tabylǵan.

Artynsha ekі kúdіktі ustalyp, aǵaly-qaryndasty óltіrgenderіn moıyndaǵan. Olardyń aıtýynsha, bastapqyda mototsıkldі urlamaq bolǵan. Alaıda jastar qarsylyq kórsetken soń, Romandy atyp, Dıanany aıaýsyz soqqyǵa jyqqan.

Kúdіktіler máıіtterdіń jasyrylǵan ornyn da kórsetken. Sol jerden taǵy úsh Taıland azamatynyń – er adam, áıel jáne qyz balanyń máıіtterі tabylǵan.

Bul qylmys Taıland qoǵamynda úlken rezonans týǵyzdy. Polıtsııa bólіmіnіń aldyna jınalǵan jurt kúdіktіlerge ólіm jazasyn talap etse, Taıland premer-mınıstrі bul oqıǵany el úshіn «sumdyq masqara» dep baǵalady.