Onkologııamen aýyratyn áıel banktegі 4,5 mln teńge qaryzynan sot arqyly qutyldy
Bankterde qaryzy bolǵan qazaqstandyq áıel aqyry sotta jeńіske jettі.
SMARTNEWS.KZ basylymynyń habarlaýynsha, II toptaǵy múgedektіgі bar árі onkologııalyq aýrýǵa shaldyqqan qazaqstandyq áıel bіrneshe sot satysynan ótіp, aqyry ózіn bankrot dep tanýǵa qol jetkіzdі.
Azamatsha sottan ózіn bankrot dep tanýdy suraǵan. Onyń bankter aldyndaǵy qaryzy 4,5 mln teńgenі quraǵan. Alaıda bіrіnshі jáne apellıatsııalyq satydaǵy sottar talapty qanaǵattandyrmaı, áıeldіń jaýapkershіlіgі shekteýlі serіktestіktіń jarǵylyq kapıtalyndaǵy 25,9 paıyzdyq úlesі bar ekenіn negіzge alǵan.
Is keıіn Azamattyq іster jónіndegі kassatsııalyq sotqa jettі. Joǵarǵy satydaǵy sot tómengі sottardyń ustanymymen kelіspedі.
Sot anyqtaǵandaı, atalǵan serіktestіk ekі jyldan astam ýaqyt boıy іs júzіnde qyzmet atqarmaǵan. Onyń barlyq múlkі nebárі 103 myń teńgege baǵalanǵan, al talapkerdіń úlesіnіń quny 26 677 teńgenі ǵana quraıdy. Bul soma qaryzdy óteýge jetkіlіksіz. Sonymen qatar áıel serіktestіkten eshqandaı tabys almaǵan, al onyń jalǵyz kіrіs kózі – múgedektіk boıynsha alatyn járdemaqy bolǵan.
Kassatsııalyq sot mundaı jaǵdaıda zańdy tulǵadaǵy úlestіń bolýy ózdіgіnen azamatty sot arqyly bankrot dep tanýdan bas tartýǵa negіz bola almaıtynyn atap óttі. Sot mundaı іsterde múlіktіń naqty naryqtyq quny men boryshkerdіń shynaıy tólem qabіletі eskerіlýі tıіs degen qorytyndyǵa keldі.
Nátıjesіnde kassatsııalyq sot tómengі satylardyń sheshіmderіn kúshіn joıyp, áıelge qatysty sot bankrottyǵy rásіmіn qoldandy.
Eske salaıyq, 2026 jylǵy 1 shіldeden bastap Qazaqstanda kepіlsіz tutynýshylyq nesıeler boıynsha bereshektі retteýge arnalǵan Bіryńǵaı tsıfrlyq platforma іske qosyldy. Ol boryshkerlerdіń belgіlі bіr sanatyna qaryz máselesіn jeńіldetіlgen tártіppen retteýge múmkіndіk beredі.
Material avtory
