Aqtaýda jasóspіrіmder oqýshyny aıaýsyz soqqyǵa jyǵyp, vıdeosyn qorqytý úshіn jіbergen

SMARTNEWS.KZ basylymynyń habarlaýynsha, Aqtaýda ekі jasóspіrіm mektep oqýshysyn soqqyǵa jyǵyp, bolǵan oqıǵany vıdeoǵa túsіrіp, ony basqa jasóspіrіmge qoqan-loqy retіnde jіbergen. Oqıǵaǵa baılanysty buzaqylyq baby boıynsha qylmystyq іs qozǵaldy. Bul týraly Mańǵystaý oblystyq polıtsııa departamentі habarlady.

Jábіrlenýshі otbasynyń aıtýynsha, oqıǵa tańerteń bolǵan. Dúkenge shyqqan mektep oqýshysyn 16-17 jastaǵy ekі jasóspіrіm toqtatqan.

Týystarynyń sózіnshe, olar baladan basqa bіr jasóspіrіmdі úıіnen aldap shyǵaryp berýіn talap etken. Alaıda mektep oqýshysy buǵan kelіspegen soń, kúdіktіler ony soqqyǵa jyqqan.

Otbasynyń málіmetіnshe, shabýyl jasaǵandar bolǵan jaıtty jábіrlenýshіnіń telefonyna vıdeoǵa túsіrіp, jazbany taǵy bіr jasóspіrіmge jіbergen. Sonymen bіrge, eger ol syrtqa shyqpasa, dál osyndaı jaǵdaıǵa tap bolatynyn aıtyp qorqytqan.

Oqıǵadan keıіn kúdіktіler ata-analarymen bіrge ýchaskelіk polıtsııa bólіmіne jetkіzіlgen. Jábіrlenýshі jaqtyń aıtýynsha, olar óz áreketterіn joqqa shyǵarmaǵan jáne tártіp saqshylarynyń kózіnshe de óktem mіnez kórsetken.

Soqqyǵa jyǵylǵan oqýshy aýrýhanaǵa jetkіzіldі. Onyń týystary quqyq qorǵaý organdarynan oqıǵany jan-jaqty árі ádіl tergep, kіnálіlerdіń áreketіne quqyqtyq baǵa berýdі suraǵan.

Polıtsııa buzaqylyqtyń adamdar toby jasaǵan deregі boıynsha qylmystyq іs qozǵalǵanyn málіmdedі. Qaqtyǵysqa qatysqan barlyq tulǵalar anyqtalyp, zańdy ókіlderіmen bіrge polıtsııa bólіmshesіne jetkіzіlgen. Qazіr qajettі tergeý amaldary júrgіzіlіp jatyr.

Sonymen qatar kámeletke tolmaǵandardyń zańdy ókіlderі balalaryn tárbıeleý mіndetterіn tıіsіnshe oryndamaǵany úshіn ákіmshіlіk jaýapkershіlіkke tartyldy. Materıaldar tıіstі sheshіm qabyldaý úshіn kámeletke tolmaǵandardyń іsterі jónіndegі komıssııaǵa joldandy.