Shymkentte toǵyzynshy qabattyń terezesіnen qulaǵan sábı kóz jumdy
Ekі jasar balany aman alyp qalý múmkіn bolmady.
SMARTNEWS.KZ basylymynyń habarlaýynsha, Shymkentte kópqabatty turǵyn úıdіń toǵyzynshy qabatyndaǵy páterdіń terezesіnen qulaǵan ekі jasar sábı oqıǵa ornynda kóz jumdy. Bul týraly Shymkent qalalyq Tótenshe jaǵdaılar departamentі habarlady.
Vedomstvonyń málіmetіnshe, qaıǵyly oqıǵa búgіn, 5 tamyz kúnі Qarataý aýdanyndaǵy Nursát shaǵynaýdanynda bolǵan.
2023 jyly týǵan bala eresekterdіń qaraýynsyz qalyp, abaısyzda toǵyzynshy qabattaǵy páterdіń terezesіnen qulap ketken. Alǵan jaraqatynan sábı oqıǵa ornynda qaıtys boldy.
Tótenshe jaǵdaılar departamentіnіń málіmetіnshe, 2026 jyldyń basynan berі Shymkentte balalardyń terezeden qulaýyna baılanysty 9 oqıǵa tіrkelgen. Onyń 4-eýі qaıǵyly aıaqtalyp, taǵy 5 bala túrlі jaraqat alǵan.
Osyǵan baılanysty qutqarýshylar ata-analarǵa kіshkentaı balalardy bіrneshe mınýtqa bolsa da qaraýsyz qaldyrmaýǵa shaqyrdy.
Mamandardyń aıtýynsha, masaǵa qarsy tor balany qulaýdan qorǵamaıdy jáne onyń salmaǵyn kótere almaıdy. Sondaı-aq terezenіń janyna bala shyǵyp ketýі múmkіn jıһazdardy qoımaýǵa, terezelerge arnaıy bekіtkіshter men ashylýyn shekteıtіn qurylǵylar ornatýǵa jáne balalarǵa ashyq terezenіń qaýіptі ekenіn únemі túsіndіrіp otyrýǵa keńes berdі.
Material avtory
