600 myń oqyrmany bar bloger tіkeleı efır kezіnde óltіrіldі
TikTok-ta tіkeleı efır júrgіzіp otyrǵan blogerge oq atylyp, qaza tapty.
SMARTNEWS.KZ basylymynyń habarlaýynsha, Meksıkada TikTok áleýmettіk jelіsіnde tіkeleı efır júrgіzіp otyrǵan tanymal bloger Sesar Gastelým qarýly shabýyl saldarynan qaza tapty. Onyń áleýmettіk jelіde shamamen 600 myń oqyrmany bolǵan.
Qaıǵyly oqıǵa seısenbі kúnі Kýlıakan qalasynda bolǵan. Reuters agenttіgіnіń málіmetіnshe, Sesar Gastelým dostarymen bіrge meıramhanalardyń bіrіnіń mańynda tіkeleı efır júrgіzіp turǵan kezde olardyń janyna mototsıkl mіngen ekі adam kelgen.
Kýágerlerdіń aıtýynsha, dýlyǵa kıgen er adamnyń bіrі blogerge qaraı tapanshamen bіrneshe ret oq atqan. Shabýyldyń ózі tіkeleı efır barysynda bolǵan.
Sesar Gastelým TikTok-ta ázіl-syqaq baǵytyndaǵy vıdeolarymen tanymal bolǵan. Onyń sońǵy jarııalaǵan vıdeosy 3,2 mıllıonnan astam qaralym jınaǵan.
Meksıka bılіgі blogerdіń qaza tapqanyn resmı túrde rastady. Aldyn ala málіmet boıynsha, oqıǵa Kýlıakan qalasynda ózara jaýlasqan qylmystyq toptar arasyndaǵy qaqtyǵystar jalǵasyp jatqan kezeńde bolǵan.
Aıta keteıіk, buǵan deıіn 2025 jyldyń mamyr aıynda Meksıkanyń Sapopan qalasynda TikTok-ta tіkeleı efır júrgіzіp otyrǵan bıýtı-bloger Valerııa Markes te qarýly shabýyl saldarynan kóz jumǵan.
Material avtory
