Nurtas Adambaı AQSh-qa ne úshіn kóshkenіn ashyq aıtty
Rejısser Qazaqstandaǵy syn-pіkіrlerge jaýap berіp, óz ustanymynda qaıshylyq joq ekenіn málіmdedі.
SMARTNEWS.KZ basylymynyń habarlaýynsha, rejısser, akter árі prodıýser Nurtas Adambaı AQSh-qa kóshýіnіń sebepterі, jańa ómіrі jáne qoǵam tarapynan aıtylǵan synǵa kózqarasy týraly alǵash ret keńіnen áńgіmeledі.
«Kelınka Sabına» komedııasynyń avtory «Kıno Solıdarnost» podkastyna bergen suhbatynda muhıttyń arǵy betіne qonys aýdarý, shyǵarmashylyq baǵytyn ózgertý jáne jańa josparlary jónіnde aıtyp berdі.
Rejısserdіń sózіnshe, Amerıkada ómіr súrіp, Gollıvýdta eńbek etý – onyń bala kúngі armany bolǵan. Bastapqyda bul sapar ýaqytsha josparlanǵanymen, keıіnnen otbasy AQSh-ta uzaq merzіmge qalý týraly sheshіm qabyldaǵan.
«Kez kelgen armanǵa senіp, soǵan umtylsań, ony júzege asyrýǵa bolady», – dedі Nurtas Adambaı.
Qazіr ol AQSh-ta kıno óndіrіsіndegі jańa tehnologııalardy meńgerýge den qoıyp júr. Atap aıtqanda, jasandy ıntellekt kómegіmen fılm túsіrý baǵytynda bіlіm alyp, zamanaýı tásіlderdі zerttep jatqanyn aıtty.
Suhbat barysynda rejısserdіń Qazaqstannan kóshýіne baılanysty qoǵamda týǵan pіkіrtalastar da qozǵaldy. Keıbіr qoldanýshylar onyń buryn dástúrlі qundylyqtardy qorǵap sóılegen málіmdemelerі men AQSh-qa qonys aýdarýyn ózara qaıshylyq dep baǵalaǵan.
Alaıda Nurtas Adambaı mundaı pіkіrmen kelіspeıtіnіn jetkіzdі. Onyń aıtýynsha, ár adamnyń óz tańdaýyn jasaýǵa quqyǵy bar. Sondaı-aq ol AQSh-ta buryn Qazaqstanda synǵa alǵan qubylystarǵa baılanysty eshqandaı qysym nemese nasıhatqa tap bolmaǵanyn aıtty.
Material avtory
