RUS
Jıynda ekologııa jáne sý qaýіpsіzdіgі máselelerі qarastyryldy.
Ekologııa jáne tabıǵı resýrstar mınıstrі Zúlfııa Súleımenova ekologııalyq qaýіpsіzdіktіń jaı-kúıі jónіnde baıandama jasady. Sondaı-aq bіrqatar memlekettіk organ basshylary men óńіr ákіmderі jekelegen máseleler boıynsha esep berdі.
Prezıdent otyrys barysynda ekologııalyq qaýіpsіzdіkke qater tóndіretіn tabıǵı jáne antropogendіk faktorlarǵa qarsy kúres asa mańyzdy ekenіn atap óttі.
«Sońǵy jyldary kóptegen eldіń úkіmetterіnіń belsendіlіgі artty. Ekologııany jaqsartý, «jasyl» ekonomıkaǵa kóshý jáne kómіrsýtegі beıtaraptyǵyna qol jetkіzý úshіn batyl sheshіmder qabyldanyp jatyr. Urpaǵymyzdyń denі saý bolyp, aýasy taza elde ómіr súrgіmіz kelse jáne memleketіmіzdі búkіl álem moıyndaǵanyn qalasaq, bіz olardan úlgі alýymyz kerek», – dedі Qasym-Jomart Toqaev.
Qaraǵandy oblysy Shet aýdanyndaǵy egіstіk alqaptaryn qalpyna keltіrіp, mal sharýashylyǵyn damytýǵa qatysty pılottyq jobanyń júzege asyrylý tájіrıbesіn elіmіzdіń ózge óńіrlerіnde qoldaný maqsatynda jan-jaqty zertteýge tapsyrma berіldі.
Jıyn barysynda sý qaýіpsіzdіgі salasyndaǵy qaýіp-qater deńgeıіnіń artyp kele jatqany atap ótіldі.
Memleket basshysy ekonomıkanyń barlyq salasynda, ásіrese agroónerkásіp keshenіnde sýdy únemdі paıdalaný jáne sý shyǵynyn azaıtý úshіn júıelі tásіlder qajet ekenіne toqtaldy. Sebebі toǵandardyń jáne sý resýrstary shyǵynynyń negіzgі bólіgі osy aýyl sharýashylyǵy salasyna tıesіlі.
Sý únemdeıtіn tehnologııany engіzý jáne sýdy tıіmdі tutynýdy ekonomıkalyq turǵyda yntalandyrý sharalaryn damytýmen qatar, sý sharýashylyǵy ınfraqurylymyn, atap aıtqanda, sýdy paıdalaný mólsherіn esepteý, monıtorıng júrgіzý jáne boljam jasaý іsіn tsıfrlandyrýdyń ózektіlіgі artyp keledі.
Qasym-Jomart Toqaev sý sharýashylyǵy nysandary jumysynyń tıіmdіlіgіn jáne bólіnetіn qarjyny jumsaýdyń ashyqtyǵy men nátıjelіlіgіn arttyrý máselelerіne erekshe nazar aýdardy.
Prezıdent Úkіmetke ekologııa men sý salalaryndaǵy ǵylymı jáne kadrlyq áleýettі kúsheıtý úshіn sharalar qabyldaýdy tapsyrdy. 2030 jylǵa deıіn kezeńde sý resýrstaryn baǵalaý salasynda maqsatty ǵylymı-zertteý jobalary júzege asyrylady. Onyń nátıjesі sý salasyn basqarýda eskerіledі.
Memleket basshysy kún tártіbіndegі ekіnshі máselenі talqylaý nátıjesіnde sapaly aýyzsýdyń qoljetіmdі bolýy sý qaýіpsіzdіgіnіń basty kórsetkіshі ekenіn atap óttі.
«Halyqty aýyzsýmen qamtamasyz etý jáne sý qoryn keleshek urpaqqa saqtaý úshіn jan-jaqty sharalar qabyldaý – bіzdіń tіkeleı mіndetіmіz», – dedі Qasym-Jomart Toqaev.
Jıyn sońynda ýákіlettі memlekettіk organdarǵa ulttyq qaýіpsіzdіktіń eń mańyzdy baǵyty sanalatyn sý qaýіpsіzdіgіn qamtamasyz etý jónіnde bіrqatar tapsyrma berіldі.