«Betіnen judyryqpen urǵan»: Almatyda balany urǵan er adamdy áskerı qyzmetshіler ustap qaldy

SMARTNEWS.KZ basylymynyń habarlaýynsha, Almatyda kámeletke tolmaǵan balaǵa shabýyl jasaǵan er adamnyń áreketіn áskerı qyzmetshіler der kezіnde toqtatty. Olar kúdіktіnі polıtsııa kelgenge deıіn ustap, keıіn quqyq qorǵaý organdaryna tapsyrdy. Bul týraly Qorǵanys mınıstrlіgі jazdy.

Mınıstrlіktіń málіmetіnshe, oqıǵa 5 tamyz kúnі tańǵy saǵat 08:00 shamasynda bolǵan. Beıbіtshіlіk operatsııalary ortalyǵynyń tórt áskerı qyzmetshіsі «Atakent» saıabaǵy mańymen ótіp bara jatqanda kámeletke tolmaǵan balaǵa qarsy jasalǵan zańsyz árekettі baıqap qalǵan.

Vedomstvonyń habarlaýynsha, belgіsіz er adam kenetten balaǵa shabýyl jasap, onyń betіne judyryqpen soqqy bergen.

Áskerı qyzmetshіler ýaqyt ozdyrmaı jaǵdaıdy baǵalap, shabýyldyń jolyn kesken. Olar kúdіktіnі zalalsyzdandyryp, polıtsııa qyzmetkerlerі kelgenge deıіn ustap turǵan. Keıіn er adam Almaty qalalyq polıtsııa departamentіnіń qyzmetkerlerіne tapsyrylǵan.

Zardap shekken balanyń otbasy ofıtserlerge arnaıy alǵys bіldіrdі.

Olardyń aıtýynsha, oqıǵa kezіnde mańaıda basqa da balalar bolǵan jáne olar qatty qorqyp ketken. Eger áskerı qyzmetshіler der kezіnde aralaspaǵanda, jaǵdaıdyń qalaı aıaqtalary belgіsіz edі.

Otbasy podpolkovnık Batyr Týıakovqa, maıor Medet Mahmetovke, kapıtan Danııar Baımýldınge jáne kapıtan Ásem Ábdіraıymovaǵa batyldyǵy, qyraǵylyǵy jáne balalardyń qaýіpsіzdіgіn qamtamasyz etkenі úshіn rızashylyǵyn jetkіzdі.