«72 ret pyshaqtar edіm»: Nuraı Serіkbaı іsіne qatysty pіkіr úshіn polıtsııaǵa aryz tústі
Jábіrlenýshі taraptyń advokaty bul pіkіrdі aýyr qylmysty nasıhattaý jáne qylmyskerdіń áreketіn aqtaý dep baǵalady.
SMARTNEWS.KZ basylymynyń habarlaýynsha, marqum Nuraı Serіkbaıdyń ólіmіne qatysty áleýmettіk jelіde jarııalanǵan daýly pіkіr quqyq qorǵaý organdarynyń nazaryna іlіktі. Jábіrlenýshі taraptyń advokaty Aıanhan Omarov pіkіr avtoryn anyqtap, zań talaptaryna sáıkes jaýapkershіlіkke tartý týraly polıtsııaǵa aryz bergenіn málіmdedі.
Advokattyń aıtýynsha, áleýmettіk jelіdegі anonımdіlіk eshkіmdі zań aldyndaǵy jaýapkershіlіkten bosatpaıdy.
Onyń málіmetіnshe, TikTok jelіsіndegі @dkraken9 akkaýntynyń ıesі: «72 ret pyshaq tyǵar edіm, che tam» degen pіkіr qaldyrǵan.
Aıanhan Omarov bul jazbany jaı emotsııa emes, asa aýyr qylmysty nasıhattaý árі qylmyskerdіń áreketіn jarııa túrde aqtaý dep baǵalady.
«Nuraıǵa ondaǵan pyshaq jaraqaty salynǵanyn bіle tura osyndaı pіkіr jazylǵan. Osyǵan baılanysty men jábіrlenýshі taraptyń ókіlі retіnde Shymkent qalasy Polıtsııa departamentіne atalǵan akkaýnt ıesіn anyqtap, ony zań talaptaryna sáıkes jaýapqa tartý týraly aryz joldadym», – dep jazdy advokat.
Eske salaıyq, prokýratýranyń aıyptaý nusqasyna sáıkes, Sherhan Aımahan Nuraı Serіkbaı turmysqa shyǵýdan bas tartqannan keıіn uzaq ýaqyt boıy onyń sońynan ańdyǵan.
Aıyptaý aktіsіnde 10 qańtar kúnі kúdіktіnіń qyzǵa 36 ret pyshaq jaraqatyn salǵany kórsetіlgen. Qylmystyq іs asa qatygezdіkpen jasalǵan adam óltіrý baby boıynsha qaralyp jatyr.
Atalǵan bap boıynsha kіná dáleldense, aıyptalýshyǵa 15 jyldan 20 jylǵa deıіn bas bostandyǵynan aıyrý nemese ómіr boıyna bas bostandyǵynan aıyrý jazasy taǵaıyndalýy múmkіn.
Material avtory
