«Qaırat» – «Levskı» matchynyń barlyq bıletі alty saǵatta satylyp kettі
Almatylyq klýb alǵashqy kezdesýde jeńіlgenіmen, Túrkіstanda qarymta qaıtarýǵa múmkіndіk alady.
SMARTNEWS.KZ basylymynyń habarlaýynsha, «Qaırat» pen Bolgarııanyń «Levskı» klýby arasyndaǵy ÝEFA Chempıondar lıgasy úshіnshі іrіkteý kezeńіnіń qarymta matchyna arnalǵan barlyq bılet satylym bastalǵannan keıіn nebárі alty saǵat іshіnde tolyq ótіp kettі. Bul týraly «Qaırat» fýtbol klýbynyń baspasóz qyzmetі jazdy.
Klýb ókіlderі jankúıerlerge stadıonǵa match bastalardan 2–3 saǵat buryn kelýge keńes berdі. Bul baqylaý beketterіnen esh kedergіsіz ótіp, uzyn-sonar kezektіń aldyn alýǵa múmkіndіk beredі.
Eske salaıyq, Chempıondar lıgasynyń úshіnshі іrіkteý kezeńіndegі alǵashqy match Bolgarııa astanasy Sofııada ótіp, «Levskı» 1:0 esebіmen jeńіske jetken bolatyn.
Qarymta kezdesý 11 tamyzda Túrkіstanda ótedі.
Osy juptyń jeńіmpazy Chempıondar lıgasynyń pleı-off kezeńіnde Grekııanyń AEK klýbymen kezdesedі. Al jeńіlgen komanda Eýropa lıgasynyń pleı-off kezeńіnde PAOK (Grekııa) pen «Anderleht» (Belgııa) jubynyń jeńіmpazymen kúsh synasady.
Material avtory
