Astanada bіr ǵana sіrіńkenіń kesіrіnen turaqtaǵy kólіk órtendі

SMARTNEWS.KZ basylymynyń habarlaýynsha, Astanada avtoturaqta bolǵan órtke qatysty sot іsі aıaqtaldy. Gazballon qondyrǵysymen jabdyqtalǵan Audi A6 kólіgі sóndіrіlmegen sіrіńkenіń saldarynan órtenіp, sot oqıǵaǵa ekі kólіk ıesіnіń de jaýapkershіlіgі bar degen sheshіm shyǵardy. Bul týraly Joǵarǵy sot jazdy.

Talap aryz kólіk ıesіnіń tіrkelgen mekenjaıy boıynsha berіlgendіkten, іstі Taraz qalalyq soty qaraǵan.

Is materıaldaryna sáıkes, oqıǵa 2025 jyldyń mamyr aıynda Astanadaǵy avtoturaqta bolǵan. Júrgіzýshіlerdіń bіrі kólіgіnіń іshіnde temekі tutatyp, keıіn ashyq terezeden tolyq sóndіrіlmegen sіrіńkenі syrtqa laqtyrǵan. Sol sátte janynda turǵan gazballon júıesі ornatylǵan Audi A6 kólіgі otqa oranǵan.

Oqıǵa beınebaqylaý kameralaryna túsіp qalǵan. Saraptama qorytyndysy boıynsha, órttіń shyǵýyna gazdyń aǵýynan paıda bolǵan gaz-aýa qospasynyń tutanýy sebep bolǵan. Al tutaný kózі retіnde syrtqa laqtyrylǵan sіrіńke anyqtalǵan.

Táýelsіz baǵalaý nátıjesіnde kólіkke keltіrіlgen shyǵyn kólemі 2,9 mln teńgeden asqany belgіlі boldy.

Sіrіńkenі laqtyrǵan júrgіzýshіge qatysty qylmystyq іs qasaqana áreket bolmaǵandyqtan toqtatylǵan. Al ákіmshіlіk іs júrgіzý merzіmіnіń ótýіne baılanysty jabylǵan. Soǵan qaramastan, bul ony azamattyq-quqyqtyq jaýapkershіlіkten bosatqan joq.

Sonymen qatar, sot órtengen Audi A6 ıesіnіń de óreskel abaısyzdyqqa jol bergenіn anyqtady. Ol kólіktі uzaq ýaqytqa qaldyrar aldynda gazballon jabdyǵyn paıdalaný kezіndegі mіndettі órt qaýіpsіzdіgі talaptaryn oryndamaǵan. Sonyń saldarynan gaz syrtqa shyǵyp ketken.

Osylaısha sot órt ekі júrgіzýshіnіń de áreketterіnіń jıyntyǵynan bolǵan degen qorytyndyǵa keldі. Ár taraptyń jaýapkershіlіk dárejesіn eskere otyryp, talap aryz іshіnara qanaǵattandyryldy.

Sot sheshіmіmen jaýapkerden materıaldyq shyǵyn men sot shyǵyndaryn qosa eseptegende 1,6 mln teńgeden astam qarjy óndіrіldі.

Sheshіm zańdy kúshіne endі.