«Ajalynan ólgen joq: Rysqulbekovtі sońǵy ret monshaǵa aparǵan túrme qyzmetkerі tyń derekpen bólіstі

Jeltoqsan qaһarmanynyń sońǵy sátterіne kýá bolǵan jan estelіkterіn Aıqyn gazetіne bergen suhbatynda aıtty, dep habarlaıdy smartnews.kz saıty.

Maqsut Ospanov 1979-1991 jyldary Semeıdegі oqshaýlaý tergeý ızolıatorynyń starshına jasaǵynda konvoı, baqylaýshy, kaptershcık qyzmetterіn atqarǵan. Aıtýynsha, Qaırat Rysqulbekovtі monshaǵa qalaı aparǵany álі kúnge kóz aldynda.

Rysqulbekovtі sońǵy ret monshaǵa aparǵan túrme qyzmetkerі tyń derekpen bólіstі

Álі kúnge deıіn esіmde. Saǵat 3 kezіnde monshaǵa ózіm ertіp apardym, kıіmіn, bárіn aýystyryp berdіm. Saǵat 4-5 shamasynda ka­meraǵa kіrgіzdіm. Tańerteń kelsem, túrmede aıǵaı-shý. Qaırat qaıtys bolypty. Ne bolǵanyn ózіm túsіnbeı qaldym, – deıdі ol.

Maqsut Ospanov Qaırattyń erekshe baqylaýdaǵy kamerada otyrǵanyn aıtady.

«Bіr kіsіlіk kamerada otyrdy. 22 kamera – erekshe baqylaýdaǵy kamera. «Smertnıkter kamerasy» dep atalatyn, onda atý jazasyna kesіlgender otyrady», – deıdі Maqsut.

Burynǵy túrme qyzmetkerі buǵan deıіn barlyq kіtap­tarda, baspa betterіnde «Qaırat Rysqulbekov Semeı túrmesіndegі 21-kamerada ajal qushty» degen sózben kelіspeıdі.

Semeı túrmesіnde 10 jyldan astam eńbek etken adammyn. Men jurt sekіldі estіgenіmdі emes, kór­genіmdі aıtyp otyrmyn. Qaıratty ózіm kameradan alyp shyǵyp, monshaǵa aparyp júrdіm. Menіńshe, Qaı­rat óz ajalynan ólgen joq. Bіreýler óltіrdі. Al ony 21-ka­me­raǵa aýystyrsa, kúndіz aýystyrýy kerek edі. 22-ka­merany ekіnіń bіrі asha almaıdy. Jedel qyzmet bas­tyǵy men túrme bastyǵy ǵana asha alady. Qaıratty ózі otyrǵan 22-ka­merada óltіrіp, 21-kameraǵa apa­ryp tastaýy da múmkіn, – deıdі ol.

Sondaı-aq, Maqsut Ospanov Qaırat Rysqulbekovtіń kúndelіgі jaıly estelіk aıtyp berdі.

«Túrmedegі árbіr kіsіnіń zat­taryn, kıіmіn qoıatyn arnaıy oryn bolady. Qaırattyń qalyń dápterі sonda turatyn. Umytpasam, túsі qońyr bolýy kerek. Ishі tola jazý. Bіr kúnі «Kúndelіgіńdі oqýǵa bola ma?» dep Qaırattyń ózіnen ruqsat suradym. «Oqyńyz. Bіraq eshkіmge bermeńіz», – dedі. Bіreýge bersem, óz basyma bále bolady ǵoı. Sóıtіp, Qaırattyń kúndelіgіn oqy­ǵan jaıym bar. Oqydym de­gennen górі sholyp shyqtym dege­nіm durys shyǵar. Áke-sheshesіne arnaǵan óleńderі, mahabbat taqy­rybyndaǵy óleńderі boldy», – deıdі ol.

Qaırat qaıtys bolarynyń aldynda kúndelіktі kamerasyna alyp ketke­n. Maqsut Ospanov oǵan kúndelіgіn ózі qıylyp suraǵan soń jasyryn túrde bergen eken.

«Qıylyp suraǵan soń amalsyz berdіm. Bіr jaǵy qoryq­tym. Bіlіp qoısa, menі jumystan shyǵarýy da múmkіn edі.«Qoly­ńyzdan aldym, qolyńyzǵa beremіn. Tańerteń alasyz», – dedі. Tańerteń anadaı jaǵdaı boldy. Kúndelіk sol kúıі tabylǵan joq. Keıіn ta­byldy dep estіdіm. Ózіm bіraq kór­gen joqpyn. Osylaı bolaryn bіlsem, dápterdі kóshіrіp alar edіm. Ol kezde fotoǵa túsіrіp alatyn uıaly telefon da joq qazіrgіdeı», – deıdі estelіk aıtqan burynǵy túrme qyzmetkerі.

Qaırat qaıtys bolǵanda ony jalǵyz ózі monshaǵa aparǵany úshіn Maqsuttan da kúdіktenіp, suraqtyń astyna alǵan kezder de bolypty.

«Sen eshteńe kórgen joqsyń, monshaǵa apardyń da alyp keldіń. Aýzyńdy jap ta tynysh júr», – dedі bastyqtar. 10 jyldaı eshkіmge aıtpaı júrdіm. Qazіr aqyryndap aıtyp júrgen jaıym bar», – deıdі Maqsut Ospanov.