«Mýzykany óshіrіńіz»: InDrive júrgіzýshіsі men jolaýshynyń arasynda janjal shyqty
Otadan keıіn ózіn jaısyz sezіngen áıel mýzykany bіrneshe ret óshіrýdі suraǵanymen, júrgіzýshі onyń ótіnіshіn oryndamaǵan.
SMARTNEWS.KZ basylymynyń habarlaýynsha, Astanada InDrive júrgіzýshіsі men jolaýshy arasynda bolǵan janjal áleýmettіk jelіde qyzý talqylanyp jatyr. Otadan keıіn basy qatty aýyrǵanyn aıtqan áıel júrgіzýshіden mýzykany óshіrýdі bіrneshe ret suraǵanymen, ótіnіshі oryndalmaǵan. Bul týraly Azattyq Rýhy basylymy jazdy.
Jelіde taraǵan vıdeoda jolaýshy júrgіzýshіden mýzykanyń daýysyn báseńdetýdі nemese múlde óshіrýdі ótіnedі.
– «Men otadan keıіn kelemіn. Basym qatty aýyryp tur. Mýzykany óshіrіńіzshі. Bul mýzyka basymdy aýyrtyp jatyr. Ótіnemіn, óshіrіńіz», – deıdі áıel.
Alaıda júrgіzýshі mundaı ótіnіshtі sapar bastalǵan sátte aıtý kerek bolǵanyn aıtyp, joldyń ortasynda oryndaýdan bas tartqan.
Óz kezegіnde jolaýshy jol ústіnde jaǵdaıy nasharlap ketkenіn, bas aýrýyna qarsy іshken dárіnіń áserі qaıtyp, aýyrsyný kúsheıgenіn jetkіzgen. Onyń aıtýynsha, osy sebeptі júrgіzýshіden mýzykany bіrneshe márte óshіrýdі suraýǵa májbúr bolǵan.
Vıdeo avtory jarııalanym sıpattamasynda júrgіzýshіnіń ózіn ádeıі ashýlandyryp, agressııa tanytqanyn jazǵan.
«InDrive Astana, bul qalypty jaǵdaı ma? Men kóptegen ótіnіshten keıіn ǵana vıdeoǵa túsіre bastadym. Ózіmdі óte nashar sezіndіm. Klıent jaı ǵana tynyshtyqta otyrǵysy kelse de bolmaı ma? Júrgіzýshі agressıvtі boldy, ádeıі emotsııaǵa ıtermeledі», – dep jazdy ol.
Bul oqıǵa áleýmettіk jelіde qyzý pіkіrtalas týdyrdy. Keıbіr qoldanýshylar ózderіnіń de taksı júrgіzýshіlerіmen osyǵan uqsas keleńsіz jaǵdaılarǵa tap bolǵanyn aıtty.
Pіkіr qaldyrǵandardyń bіrі júrgіzýshі mýzykany óshіrýden bas tartyp qana qoımaı, kólіkten túsіp ketýdі talap etkenіn aıtyp, keıіn qyzmettіń qoldaý qyzmetіne shaǵymdanǵanyn jetkіzdі.
Material avtory
