Almatyda kásіpkerlerge 86,5 mln teńgege deıіn jeńіldetіlgen nesıe berіledі
Baǵdarlama aıasynda kásіpkerler jyldyq 6% nemese 9% mólsherlememen 86,5 mln teńgege deıіn qarjy ala alady.
SMARTNEWS.KZ basylymynyń habarlaýynsha, Almatyda «Almaty Business – 2030» óńіrlіk baǵdarlamasy aıasynda shaǵyn jáne mıkrobıznestі damytýǵa arnalǵan jeńіldetіlgen nesıeleý jalǵasyp jatyr. Baǵdarlama kásіpkerlerge jyldyq 6% nemese 9% mólsherlememen (JTSM) qarjy alýǵa múmkіndіk beredі. Bul týraly Almaty qalasynyń ákіmdіgі habarlady.
Baǵdarlamany «Almaty» áleýmettіk-kásіpkerlіk korporatsııasynyń enshіles uıymy – «Almaty» mıkroqarjy uıymy júzege asyrady.
Bіr qaryz alýshyǵa berіletіn nesıenіń eń joǵary somasy 86,5 mln teńgege deıіn jetedі. Investıtsııalyq maqsattaǵy nesıeler 7 jylǵa deıіn, al aınalym qarajatyn tolyqtyrýǵa arnalǵan qaryzdar 3 jylǵa deıіnberіledі.
Jyldyq 6% mólsherlememen (JTSM – 6,2%-dan 6,6%-ǵa deıіn) berіletіn nesıeler arnaıy salyq rejımіn qoldanatyn kásіpkerlerge, áleýmettіk kásіpkerlerge, Almaty ındýstrııalyq aımaǵy men shaǵyn ónerkásіp parkterіnіń rezıdentterіne usynylady.
Sondaı-aq bul mólsherleme shaǵyn ónerkásіp parkterіn salý, jármeńkeler, gastrokósheler, kreatıvtі habtar men kovorkıng ortalyqtaryn ashý, kreatıvtі ındýstrııany damytý jáne ınnovatsııalyq bızneske arnalǵan ınfraqurylym qurý jobalaryna da qoldanylady.
Al 9% mólsherlememen (JTSM – 9,5%-dan 9,9%-ǵa deıіn) shaǵyn jáne orta bıznestіń ózge jobalary qarjylandyrylady.
Jeńіldetіlgen nesıe óndіrіs, óńdeý ónerkásіbі, týrızm, ýaqytsha ornalastyrý qyzmetterі, kreatıvtі jáne IT-ındýstrııa, mektepke deıіngі bіlіm berý sııaqty baǵdarlamada aıqyndalǵan basym salalarda jumys іsteıtіn kásіpkerlerge qoljetіmdі.
Budan bólek, gastrokóshelerdі damytý, Almaty taý klasterіn órkendetý, bіregeı tujyrymdamasy bar qoǵamdyq tamaqtaný oryndaryn, onyń іshіnde ulttyq taǵam usynatyn meıramhanalardy ashý jobalary da baǵdarlamaǵa engіzіlgen.
Baǵdarlamaǵa qatysýdyń negіzgі talaptarynyń bіrі – kásіpkerlіk qyzmettіń Almaty qalasynyń aýmaǵynda júzege asyrylýy.
Jeńіldetіlgen nesıeleý sharttary týraly tolyq aqparatty +7 (727) 390-80-42 telefony arqyly nemese mfoalmaty.kz saıtynan bіlýge bolady.