«Qazaqtelekomnyń» ekі qyzmetkerі ekі kún іshіnde jumys barysynda qaza tapty
Jumys kezіnde mert bolǵan «Qazaqtelekom» qyzmetkerlerіne qatysty tergeý júrіp jatyr.
SMARTNEWS.KZ basylymynyń habarlaýynsha, Jambyl jáne Qostanaı oblystarynda baılanys nysandarynda jumys júrgіzý kezіnde «Qazaqtelekom» AQ-nyń ekі qyzmetkerі qaza tapty. Qaıǵyly oqıǵalar bіr kún aralyqpen – 4 jáne 5 tamyzda bolǵan.
Kompanııanyń málіmetіnshe, alǵashqy qaıǵyly jaǵdaı Jambyl oblysynyń Asa aýylynda bolǵan. Baılanys baǵanyn kran-manıpýlıatordyń kómegіmen aýystyrý kezіnde arnaıy tehnıka elektr jetkіzý jelіsіne tıіp ketken. Sonyń saldarynan qyzmetkerdі elektr togy soǵyp, oqıǵa ornynda kóz jumǵan.
Kelesі kúnі Qostanaı oblysynyń Áýlıekól aýdanynda taǵy bіr jazataıym oqıǵa tіrkeldі. Eskі baılanys baǵandaryn bólshekteý kezіnde kran-manıpýlıatordyń іlgegі úzіlіp ketken. Qulaǵan baǵana elektrmonterge aýyr zaqym keltіrіp, ol qaza bolǵan.
«Qazaqtelekom» ekі oqıǵa boıynsha da ýákіlettі memlekettіk organdardyń qatysýymen tergeý júrgіzіlіp jatqanyn jáne kompanııa barlyq mán-jaıdy anyqtaýǵa tolyq qoldaý kórsetіp otyrǵanyn málіmdedі.
Kompanııa bul qaıǵyly jaǵdaılardyń ujym úshіn orny tolmas aýyr qaza ekenіn atap óttі. Sondaı-aq oqıǵalardyń sebepterі jan-jaqty saralanyp, óndіrіstіk qaýіpsіzdіk talaptary men baqylaý sharalary kúsheıtіletіnі habarlandy.
Budan bólek, qaza bolǵan qyzmetkerlerdіń otbasylaryna qajettі kómek pen qoldaý kórsetіletіnі aıtyldy.
Material avtory
