Aqtaýda áıel adamdy shashynan súırep, jerge qulatyp urǵany úshіn jazalandy
Mas kúıіnde tóbeles shyǵarǵan aqtaýlyq áıelge sot úkіmі shyqty.
SMARTNEWS.KZ basylymynyń habarlaýynsha, Aqtaý qalasynda janjal kezіnde basqa áıeldі uryp-soqqan turǵyn sot aldynda jaýap berdі. Sot sheshіmіmen oǵan 40 saǵat qoǵamdyq jumys jazasy taǵaıyndaldy. Bul týraly Mańǵystaý oblysy sottarynyń resmı Telegram-arnasy jazdy.
Sot málіmetіnshe, іs Qazaqstan Respýblıkasy Qylmystyq kodeksіnіń 109-1-babynyń 1-bólіgі («Densaýlyqqa jeńіl zııan keltіrmeı, fızıkalyq aýyrsyný týdyrǵan uryp-soǵý») boıynsha qaralǵan.
Tergeý barysynda anyqtalǵandaı, áıel mas kúıіnde janjal kezіnde jábіrlenýshіnіń shashynan ustap, ony jerge qulatqan. Keıіn onyń betі men basynan bіrneshe ret uryp, fızıkalyq aýyrsyný keltіrgen.
Aıyptalýshynyń kіnásі ózіnіń bergen túsіnіktemelerіmen jáne іs materıaldary boıynsha jınalǵan ózge de dáleldermen tolyq rastalǵan.
Sot otyrysynda jábіrlenýshі zań talaptaryna sáıkes jaza taǵaıyndaýdy suraǵan. Al qorǵaýshy tarap aıyptalýshynyń kіnásіn moıyndaǵanyn jáne onyń kámeletke tolmaǵan balalary bar ekenіn eskerіp, jeńіl jaza taǵaıyndaýdy ótіngen.
Sot jaza belgіleý kezіnde áıeldіń kіnásіn tolyq moıyndaýyn, shyn ókіnýіn jáne kámeletke tolmaǵan balalary bar ekenіn jeńіldetetіn jaǵdaı retіnde qabyldady.
Sonymen qatar quqyq buzýshylyqtyń mas kúıіnde jasalýy jaýapkershіlіktі aýyrlatatyn mán-jaı retіnde baǵalandy.
Sot úkіmіmen áıel Qylmystyq kodekstіń atalǵan baby boıynsha kіnálі dep tanylyp, oǵan 40 saǵat qoǵamdyq jumys oryndaý jazasy taǵaıyndaldy.
Úkіm zańdy kúshіne engen.
Material avtory
