«Ballondardy toltyrýǵa tyıym saldym»: 12 adamnyń ómіrіn qıǵan jarylys boıynsha tyń derek aıtyldy
Shcýchınskіdegі jarylys іsі boıynsha sot jalǵasyp jatyr.
SMARTNEWS.KZ basylymynyń habarlaýynsha, Shcýchınsk qalasyndaǵy «Palaý ortalyǵy» kafesіnde bolǵan joıqyn jarylysqa qatysty sot otyrysynda gaz quıý beketіnіń ıesі jaýap berdі. Ol turmystyq gaz ballondaryn óz beketіnde toltyrýǵa qatań tyıym salǵanyn málіmdedі. Bul týraly KTK telearnasy jazdy.
Tergeý nusqasyna sáıkes, 12 adamnyń ómіrіn qıyp, taǵy 28 adamnyń jaraqat alýyna dámhanada paıdalanylǵan gaz ballondaryn paıdalaný talaptarynyń buzylýy sebep bolǵan.
Is materıaldaryna sáıkes, atalǵan ballondar jergіlіktі avtogaz quıý stantsııasynda toltyrylǵan. Sol sebeptі beket ıesі de aıyptalýshylar qatarynda otyr.
Sot barysynda kásіpker 2025 jyldan berі turmystyq gaz ballondaryn toltyrýǵa tolyq tyıym salǵanyn aıtty.
«2025 jyldan bastap modýlder tek avtokólіkterge gaz quıý úshіn jumys іstedі. Men turmystyq gaz ballondaryn toltyrýǵa tyıym saldym. Kassırlerge eskertý taqtaıshasyn іlýdі tapsyrdym. Baǵanalardyń janyna "Gaz ballondaryn toltyrýǵa bolmaıdy" degen jazý japsyrylǵan bolatyn», – dedі ol.
Kásіpkerdіń aıtýynsha, onyń qyzmetkerlerі bul talapty óz betіnshe buzǵan bolýy múmkіn.
Eske salaıyq, 26 aqpanda Shcýchınskіdegі bіr qabatty «Palaý ortalyǵy» kafesіnde joıqyn jarylys boldy. Alǵashynda alty adamnyń qaza taýyp, 20 adamnyń jaralanǵany habarlanǵan edі. Keıіn kóz jumǵandar sany 12 adamǵa jettі.
Qaıǵyly oqıǵadan keıіn dámhana dırektory ustalyp, keıіn ekі aıǵa qamaýǵa alyndy. Qylmystyq іstі Aqmola oblysynyń arnaıy prokýrorlary Qylmystyq kodekstіń órt qaýіpsіzdіgі talaptaryn buzý saldarynan ekі nemese odan da kóp adamnyń ólіmіne ákep soqqan áreket týraly baby boıynsha tergedі.
Maýsym aıynda tergeý aıaqtalyp, іs sotqa joldandy. Sot barysynda aıyptalýshylar qaza bolǵandardyń týystarynan keshіrіm suraǵanymen, óz kіnálaryn moıyndaǵan joq.
Material avtory
