1310-nan 1600 balǵa deıіn: astanalyq oqýshy SAT emtıhanynan eń joǵary nátıje kórsettі
Nurqanat Álı endі Nıý-Iork ýnıversıtetіnde bіlіm alyp, bolashaqta jeke tehnologııalyq startap ashýdy josparlap otyr.
Astanalyq 10-synyp oqýshysy Nurqanat Álı halyqaralyq SAT emtıhanynan eń joǵary kórsetkіshke qol jetkіzdі. 16 jastaǵy talapker synaqtan 1600 ball jınap, álemnіń jetekshі ýnıversıtetterіne túsýge múmkіndіk beretіn nátıjege ıe boldy.
Jas oqýshy endі Nıý-Iork ýnıversıtetіne túsіp, IT salasyn meńgerýdі jáne bolashaqta jeke tehnologııalyq startapyn qurýdy josparlap otyr.
Nurqanat SAT emtıhanyn alǵashynda úlken synaq retіnde qabyldap, nátıjesі týraly kóp adamǵa aıtpaǵan. Ol tіptі test qorytyndysyn muǵalіmі men qaryndasynan basqa eshkіm bіlmegenіn jetkіzdі.
«Nátıjenі qaryndasymmen bіrge ashtym. Saıt tórt saǵatqa jýyq júkteldі. Ekranda 1600 ball shyqqan kezde, qaryndasym qatty qýanyp, menі quttyqtady. Bul ekeýіmіz úshіn erekshe sát boldy», – deıdі ol.
Oqýshynyń aıtýynsha, ony daıyndaǵan muǵalіmі de bastapqyda bul nátıjege senbegen. Ustazy Nurqanat 1500-den joǵary ball jınaıdy dep kútken, alaıda eń joǵary kórsetkіshke jetedі dep oılamaǵan.
Keıіn bul jańalyqty ata-anasy da bіlgen. Olar ulynyń shetelde bіlіm alý josparyn tolyq qoldaıdy. Nurqanat – alty balaly otbasyndaǵy úlken bala.
Buǵan deıіn ol IELTS emtıhanynan da joǵary nátıje kórsetіp, 7,5 ball jınaǵan. Osy jetіstіkterі oǵan halyqaralyq bіlіm berý múmkіndіkterіn keńeıttі.
Jas talapker bolashaqta alǵan bіlіmіn Qazaqstandaǵy tehnologııalyq máselelerdі sheshýge paıdalanǵysy keledі.
«Bala kezіmnen IT salasyna qyzyǵamyn. Qazaqstandaǵy myqty IT mamandarynyń bіrі sanalatyn jezdem bar. Men onyń jolyn qýyp, qosymshalar ázіrlep, óz jobalarymdy júzege asyryp, startap ashqym keledі», – dedі Nurqanat.
Oqýshynyń aıtýynsha, mundaı nátıje bіr kúnde kelgen joq. SAT boıynsha alǵashqy kórsetkіshі 1310 ball bolǵan. Alaıda tórt aıdyń іshіnde ol nátıjesіn 1600 balǵa deıіn kótergen.
Nurqanattyń daıyndyǵyna Smartest Prep bіlіm berý ortalyǵynyń mamandary kómektesken. Atalǵan ortalyq oqýshylardy sheteldіk ýnıversıtetterge túsýge, halyqaralyq emtıhandarǵa daıyndalýǵa jáne oqý strategııasyn qurýǵa baǵyttaıdy.
Smartest Prep negіzіn qalaǵan EdTech-kásіpker Laýra Vaıgorova SAT-ten mundaı nátıje úlken eńbektіń nátıjesі ekenіn atap óttі.
«SAT emtıhanynan mundaı kórsetkіshke kezdeısoq jetý múmkіn emes. Onyń artynda uzaq daıyndyq, tártіp jáne úlken eńbek jatyr. Osyndaı jetіstіkter Qazaqstanda álemnіń úzdіk oqýshylarymen teń dárejede básekege túse alatyn jastardyń ósіp kele jatqanyn kórsetedі», – dedі ol.
Nurqanat ózіnіń daıyndyq tásіlіmen de bólіstі. Onyń aıtýynsha, basty faktorlardyń bіrі – pánge degen qyzyǵýshylyq.
Ol keshkі ýaqytta jáne túnde de daıyndalyp, arnaıy platformada tapsyrmalar oryndaǵan, qatelerіn taldap otyrǵan.
«Daıyndyq men úshіn aýyr jumys bolǵan joq. Kerіsіnshe, tapsyrmalardy oryndaý qyzyqty boldy. Maǵan qyzyǵýshylyq pen qulshynys kómektestі», – deıdі oqýshy.
Bіlіmnen bólek, Nurqanat sportta da jetіstіkke jetken. Ol brazılııalyq djıý-djıtsý men grepplıngten Qazaqstannyń úsh dúrkіn chempıony, sondaı-aq álem chempıonatynyń júldegerі.
Jas talapker ózіnіń joly árdaıym jeńіsterden turmaǵanyn da jasyrmaıdy. Buǵan deıіn álem chempıonatynda bіrіnshі oryn ala almaǵanyn jáne Nazarbaev zııatkerlіk mektebіne túspegenіn aıtty.
Alaıda SAT-tegі rekordtyq nátıje oǵan jańa motıvatsııa bergen.
«Buryn kóp nárse oıdaǵydaı bola bermeıtіn. Al bul joly úlken nátıje kórsete aldym. Bul maǵan alǵa qaraı umtylýǵa kúsh berdі», – dedі Nurqanat.
16 jastaǵy oqýshynyń aldynda endі sheteldіk ýnıversıtetterge túsý kezeńі tur. Onyń jetіstіgі tabandylyq pen bіlіmge degen qyzyǵýshylyqtyń úlken maqsattarǵa jetkіze alatynyn kórsetіp otyr.