Feldsher Uldana Myrzýannyń qazasyna qatysty іs sotqa jettі
Eldі eseńgіretken qaıǵyly oqıǵaǵa qatysty sot protsesі bastalýǵa jaqyn.
SMARTNEWS.KZ basylymynyń habarlaýynsha, Astanada qyzmettіk mіndetіn atqarý kezіnde qaza tapqan 23 jastaǵy feldsher Uldana Myrzýannyń ólіmіne qatysty qylmystyq іs sotqa joldandy. Bul týraly Kazinform agenttіgі jazdy.
Elordalyq Polıtsııa departamentіnіń málіmetіnshe, Uldana Myrzýannyń qaza bolýyna baılanysty qozǵalǵan qylmystyq іs boıynsha sotqa deıіngі tergeý tolyq aıaqtalǵan.
«Azamat Uldana Myrzýannyń qaza bolýyna qatysty sotqa deıіngі tergeý aıaqtalyp, qylmystyq іs sotqa jіberіldі», – dep málіmdegen Astana qalasy PD bastyǵynyń bіrіnshі orynbasary Ábіl Ábіldın.
Al Astana qalalyq sotynyń baspasóz qyzmetі alǵashqy sot otyrysynyń kúnі ázіrge belgіlenbegenіn habarlady.
Eske salsaq, 2025 jylǵy 8 qarashada Astanada toǵyz qabatty turǵyn úıdіń qasbetіndegі kіrpіsh qaptamasy men kondıtsıoner qulap, bіrneshe adam úıіndі astynda qalǵan bolatyn. Qutqarýshylar zardap shekkenderdі shyǵaryp, jedel járdem qyzmetkerlerіne tapsyrǵan.
Oqıǵa kezіnde adamdardy qutqarýǵa umtylǵan feldsher Uldana Myrzýannyń basyna toǵyzynshy qabattan kondıtsıoner qulap, ol aýyr jaraqat aldy. Dárіgerler oǵan bassúıekke trepanatsııa jasap, ómіrі úshіn kúreskenіmen, 18 qarasha kúnі onyń kóz jumǵany belgіlі boldy.
Keıіn Qazaqstan Prezıdentі Qasym-Jomart Toqaev qaza tapqan feldsherdі «Erlіgі úshіn» medalіmen marapattady.
Marqumnyń jubaıy Ádіlet Zeınel sol kezde kіnálіlerdіń zań aldynda jaýap berýі úshіn ádіl tergeý júrgіzіlýіne kúsh salatynyn málіmdegen edі.
Material avtory
