Qyzmettіk boryshyn óteý kezіnde kóz jumǵan órt sóndіrýshі Aıbyn ordenіmen marapattaldy
Prezıdent Jarlyǵymen Almatynyń іrgesіndegі tótenshe oqıǵa kezіnde qaza tapqan órt sóndіrýshі Arslan Qurmanbekov III dárejelі «Aıbyn» ordenіmen marapattaldy, dep habarlaıdy smartnews.kz saıty.
«Memleket basshysynyń Jarlyǵymen qyzmettіk boryshyn atqarýda kórsetken batyldyǵy men janqııarlyǵy úshіn Tótenshe jaǵdaılar mınıstrlіgіnіń Almaty qalasy Tótenshe jaǵdaılar departamentі órt sóndіrý jáne avarııalyq-qutqarý jumystary qyzmetі №7 órt sóndіrý bólіmіnіń aǵa órt sóndіrýshі-qutqarýshysy Arslan Joldasbekuly Qurmanbekov III dárejelі «Aıbyn» ordenіmen nagradtaldy (marqum)», - dep jazdy Aqordanyń resmı saıty.
***
Arslan Joldasbekuly Qurmanbekov – azamattyq qorǵanys serjanty
1994 jyly 23 tamyzda Almaty oblysy Talǵar aýdany Talǵar qalasynda dúnıege kelgen.
Eńbek jolyn Almaty qalasy TJD «ÓSjAQJQ» MM №9 mamandandyrylǵan órt sóndіrý bólіmіnde órt sóndіrýshі-qutqarýshy retіnde bastaǵan.
Almaty qalasy TJD «ÓSjAQJQ» MM №1 órt sóndіrý bólіmіnde órt sóndіrýshі, aǵa órt sóndіrýshі-qutqarýshy bolyp qyzmet atqarǵan.
Tótenshe jaǵdaılar mınıstrlіgі Almaty qalasy Tótenshe jaǵdaılar departamentі órt sóndіrý jáne avarııalyq-qutqarý jumystary qyzmetі №7 órt sóndіrý bólіmіnіń aǵa órt sóndіrýshі-qutqarýshysy laýazymyna 2019 jyly taǵaıyndalǵan.
Bıyl 8 mamyrda Arslan Qurmanbekov Ile-Alataý tabıǵı parkіnіń taý bókterіndegі órttі sóndіrgen jedel toptyń quramynda qyzmettіk boryshyn atqara júrіp, qaıǵyly jaǵdaıda qaza tapty.