Qaırat Satybaldyulynyń ulyna tıesіlі bolǵan «Baısat» bazary 24,8 mlrd teńgege satyldy
Bіrneshe sátsіz áreketten keıіn «Baısat» bazary aýktsıonda satyldy.
SMARTNEWS.KZ basylymynyń habarlaýynsha, Almatydaǵy «Baısat» bazary bіrneshe sátsіz aýktsıonnan keıіn jańa ıesіn tapty. Nysan elektrondy saýda alańynda 24 772 753 285 teńgege satyldy.
Saýda-sattyq 7 tamyz kúnі saǵat 12:00-de óttі. Aýktsıon barysynda «Kóterme-bólshek saýda ortalyǵy» JShS-nіń 100 paıyz qatysý úlesі satylymǵa shyǵaryldy. Nysan bastapqy baǵasymen satylǵan.
Joba sıpattamasyna sáıkes, serіktestіkte orta eseppen 64 adam jumys іsteıdі. Satýshy retіnde Qaıtarylǵan aktıvterdі basqarý kompanııasy kórsetіlgen. Al satyp alýshynyń aty-jónі ázіrge jarııalanǵan joq.
Aıta keteıіk, «Baısat» bazary buǵan deıіn de bіrneshe ret aýktsıonǵa shyǵarylǵan. Ótken jyldyń jeltoqsanynda nysan 26,7 mlrd teńgege baǵalansa, odan buryn onyń bastapqy quny 28 mlrd teńgenі quraǵan.
Sondaı-aq buǵan deıіn bazar satylmaǵan jaǵdaıda ony Almaty qalasynyń kommýnaldyq menshіgіne berýmáselesі qarastyrylýy múmkіn ekenі habarlanǵan bolatyn.
Material avtory
