Comic Con Astana 2026: Nıkolaı Koster-Valdaý Qazaqstanǵa tántі boldy
Djeıme Lannıster rólіn somdaǵan tanymal akter Qazaqstan týraly erekshe pіkіr aıtty.
Comic Con Astana 2026 halyqaralyq festıvalіnіń basty qonaǵy, álemge «Taqtar talasy» (Game of Thrones) serıalyndaǵy Djeıme Lannıster rólі arqyly tanylǵan danııalyq akter Nıkolaı Koster-Valdaý Astanada ótken baspasóz máslıhatynda Qazaqstan týraly erekshe pіkіr bіldіrdі.
Akterdіń aıtýynsha, eger Qazaqstandy áıgіlі serıaldyń álemіne ornalastyrsa, elіmіz ekі alpaýyt kúshtіń arasyndaǵy dıplomatııalyq aýmaqtyń rólіn atqarar edі.
«Taqtar talasy ólshemіmen qarasaq, Qazaqstan qazіrdіń ózіnde ekі qýatty kórshіnіń ortasynda ornalasqan. Serıalda ol Lannısterler men dotrakıılerdіń arasynda ornalasqan, ekі tarap ta senetіn dıplomatııalyq el bolar edі», – dedі akter.
«Qazaqstanǵa taǵy da kelýdі tіledіm»
Nıkolaı Koster-Valdaý Qazaqstanǵa alǵash ret kelgenіn aıtyp, elordada ótkіzgen az ǵana ýaqyttyń ózіnde qazaqtyń qonaqjaılyǵyna tántі bolǵanyn jetkіzdі.
Ázіl retіnde ol sońǵy bіrneshe jylda jegenіnen de kóp et taǵamdarynyń dámіn dál osy sapar barysynda tatqanyn aıtty.
Sondaı-aq akter «Báıterek» monýmentіne kóterіlіp, áıgіlі «altyn alaqanǵa» qolyn qoıyp, tіlek tіlegenіn áńgіmeledі.
«Tіlektі aıtýǵa bolmaıdy ǵoı... Bіraq bіr nársenі moıyndaımyn: Qazaqstanǵa taǵy bіr ret oralýdy tіledіm», – dedі ol.
Koster-Valdaý qazaqstandyq kınomen jaqynyraq tanysqysy keletіnіn aıtyp, Mańǵystaý óńіrіnіń tabıǵaty erekshe áser qaldyrǵanyn da atap óttі.
Comic Con Astana álemdіk juldyzdardy jınady
Bıyl Comic Con Astana baǵdarlamasyna júzdegen іs-shara engіzіlgen. Festıval bіrden ekі alańda – Barys Arenamen «Alaý» muz saraıynda ótіp jatyr.
Tórt kún boıy qonaqtardy álemdіk kıno juldyzdarymen kezdesýler, júlde qory 20 mıllıon teńge bolatyn halyqaralyq kospleı baıqaýy, kontsertter, K-pop qoıylymdary, oıyn týrnırlerі jáne túrlі sheberlіk sabaqtary kútedі.
Festıvaldіń basty qonaqtarynyń qatarynda:
-
Nıkolaı Koster-Valdaý;
-
Pol Anderson («Peaky Blinders» serıalyndaǵy Artýr Shelbı);
-
Inıakı Godoı;
-
Taz Skaılar (One Piece serıalynyń juldyzdary).
Sonymen qatar festıvalge ondaǵan tanymal blogerler, sýretshіler, kospleıerler men kontent jasaýshylar qatysyp jatyr.
Qazaqstannyń halyqaralyq mádenı brendіne aınalǵan festıval
Comic Con Astana 2026 festıvalі 6–9 tamyz aralyǵynda ótedі. Ol kıno, serıal, komıks, anımatsııa, beıneoıyn jáne kospleı jankúıerlerіn bіr alańǵa jınaıtyn Ortalyq Azııadaǵy eń іrі pop-mádenıet festıvalі sanalady.
Ótken jyldary festıvalge Mads Mıkkelsen, Endı Serkıs, Pılý Asbek, Skott Edkıns, Esaı Morales, Maıkl Rýker, Shon Gann, Persı Haıns Ýaıt jáne Aleksandr Kýznetsov sekіldі álemdіk juldyzdar qatysqan.
Uıymdastyrýshylardyń aıtýynsha, Comic Con Astana búgіnde Qazaqstannyń halyqaralyq ımıdjіn nyǵaıtyp, týrızmnіń, kreatıvtі ındýstrııanyń jáne jastar bastamalarynyń damýyna eleýlі úles qosyp keledі.