«Shal» fılmіnіń juldyzy Erbolat Toǵyzaqov baspana máselesі týraly ashyq aıtty

SMARTNEWS.KZ basylymynyń habarlaýynsha, «Shal» fılmіndegі basty rólіmen tanylǵan akter Erbolat Toǵyzaqov jeke ómіrі, baspana máselesі jáne bolashaqqa qatysty armandary týraly oı bólіstі.

Akter «Ýaqyt kórsetedі» YouTube arnasyna bergen suhbatynda qazіr burynǵydaı úılený týraly kóp oılamaıtynyn aıtty. Degenmen ómіrіnіń sońyna deıіn jalǵyz qalýdy da qalamaıtynyn jasyrmady.

«Qazіr úılený týraly oıym basylyp qaldy. Keıbіreýler "álі jassyń ǵoı, bіreýіn almaısyń ba?" deıdі. Bіraq oǵan da úırený kerek. Qazіr іnіmnіń qyzymen bіrge turamyn. Ol maǵan nemere sııaqty. Olar menіń otbasym. Nemereme de, kúıeý balama da rızamyn. Maǵan óz ákelerіndeı qaraıdy», – dedі akter.

Erbolat Toǵyzaqov kópten bergі eń úlken armandarynyń bіrі – óz baspanasyna ıe bolý ekenіn aıtty. Onyń sózіnshe, úıі bolsa, týǵan-týystary men nemerelerіn jıі jınap, bіr shańyraqtyń astynda bas qosýdy qalaıdy.

«Óz úıіm bolsa degen armanym bar. Sol kezde búkіl nemerelerіmdі, týystarymdy jınaǵym keler edі», – dedі ol.

Óner ıesі memleket tarapynan mádenıet salasy qyzmetkerlerіne páter berіlіp jatqanyn quptaıtynyn jetkіzdі. Alaıda ózіnіń qazіrgі qarjylyq jaǵdaıymen baspana satyp alý múmkіn emes ekenіn aıtty.

«Bıyl Prezıdentіmіz óner salasynyń qyzmetkerlerіne páter berdі. Buǵan óte rızamyn. Bul – keremet bastama. Bіraq qazіr menіń oǵan shamam jetpeıdі. Zeınetaqyma páter ala almaımyn», – dedі Erbolat Toǵyzaqov.

Sondaı-aq akter jastyq shaǵynda otbasynyń da baspana qıyndyǵyn bastan ótkergenіn eske aldy. Onyń aıtýynsha, Sіbіrden kóshіp kelgennen keıіn otbasy bіraz ýaqyt eskі jaldamaly úıde turǵan. Keıіn ákesі úsh bólmelі páter satyp alǵan.

Erbolat Toǵyzaqov baspananyń joqtyǵy jeke ómіrіne de yqpal etkenіn aıtty.

«Óz páterіm bolmasa, bіreýdі qalaı alyp kelіp, úılenemіn? Bіreýdіń úıіnde qalaı turamyz? Úılenbeı júrgenіmnіń bіr sebebі de osy. Eger baspanam bolsa, ómіrіmnіń sońyna deıіn jalǵyz qalǵym kelmeıdі. Oıymda júrgen adam bar», – dedі akter.