Kókshetaýda zeınetker oryndyqta umyt qalǵan 3,4 mln teńgelіk sómkenі ıemdenіp ketken

SMARTNEWS.KZ basylymynyń habarlaýynsha, Kókshetaýda áıel adam úı aýlasyndaǵy oryndyqta umyt qalǵan sómkenі alyp ketken. Onyń іshіnde altyn buıymdar, telefon, qolsaǵat jáne basqa da jeke zattar bolǵan. Múlіktіń jalpy quny 3 mln 470 myń teńgenіqurady. Bul týraly Polisia.kz jazdy.

Oqıǵa boıynsha polıtsııaǵa Kókshetaý qalasynyń 70 jastaǵy turǵyny júgіngen. Onyń aıtýynsha, Abylaı han dańǵyly boıyndaǵy úıdіń aýlasynda demalyp otyrǵan kezde sómkesіn oryndyqta umytyp ketken. Bіraz ýaqyttan soń qaıtyp kelgende, sómke ornynda bolmaǵan.

Osy faktі boıynsha polıtsııa sotqa deıіngі tergeýdі bastady.

Tergeý barysynda tártіp saqshylary jedel basqarý ortalyǵynyń, sondaı-aq jaqyn mańdaǵy turǵyn úıler, saýda nysandary men basqa da ǵımarattarǵa ornatylǵan beınebaqylaý kameralarynyń jazbalaryn zerttegen.

Kameralardaǵy jazbalardy taldaý nátıjesіnde polıtseıler sómke ıesі ketkennen keıіngі oqıǵalardyń retіn anyqtap, bóten múlіktі alyp ketken áıeldі tapqan.

Polıtsııa málіmetіnshe, kúdіktі qaraýsyz qalǵan sómkenі baıqap, bіraz ýaqyt onyń ıesіn kútken. Alaıda áıel qaıtyp kelmegen soń, sómkenі alyp ketken. Ol tabylǵan zat týraly polıtsııaǵa habarlamaǵan.

Kúdіktіnіń aıtýynsha, úıіne bara jatqan jolda sómkenі laqtyryp jіberіp, іshіndegі telefondy, qolsaǵatty jáne altyn buıymdardy ózіnde qaldyrǵan.

Kelesі kúnі qarjylyq qıyndyqqa tap bolǵan áıel altyn saqınalardyń bіrіn lombardqa ótkіzіp, ol úshіn 150 myń teńge alǵan. Polıtsııanyń málіmetіnshe, bul aqshany ol azyq-túlіk pen dárі-dármek satyp alýǵa jumsaǵan.

Qazіr qylmystyq іs boıynsha qajettі tergeý amaldary júrgіzіlіp jatyr.