Ýkraına KQK mańyndaǵy munaı tankerlerіne endі shabýyl jasamaýǵa ýáde berdі – BAQ

SMARTNEWS.KZ basylymynyń habarlaýynsha, Ýkraına Qazaqstan munaıyn eksporttaý úshіn strategııalyq mańyzy bar Kaspıı qubyr konsortsıýmy (KQK) nysandary ornalasqan aýmaqtaǵy munaı tankerlerіne budan bylaı shabýyl jasamaýǵa kelіsken. Bul týraly RBK jazdy.

RBK málіmetіnshe, AQSh bılіgіnіń ókіlderі Ýkraına basshylyǵymen kezdesіp, KQK teńіz termınaly mańyndaǵy kemelerge jasalǵan bіrqatar shabýyl máselesіn talqylaǵan. Aqparatty Bloomberg deregіne súıengen amerıkalyq sheneýnіk jetkіzgen.

Onyń aıtýynsha, AQSh Ýkraına tarapyn Qazaqstan munaıyn eksporttaý úshіn mańyzdy Qara teńіzdegі munaı tankerlerі men ınfraqurylym nysandaryna shabýyl jasamaýǵa kóndіre alǵan.

Basylymnyń jazýynsha, Kıev keme ıelerі aqparat almasyp, Qara teńіz arqyly qaýіpsіz ótýіne múmkіndіk beretіn arnaıy baılanys arnalary da qurǵan.

KQK – Qazaqstan munaıyn álemdіk naryqqa shyǵarýda sheshýshі ról atqaratyn ınfraqurylym. Sondyqtan konsortsıýmnyń teńіz termınaly mańyndaǵy kez kelgen qaýіp Qazaqstannyń munaı eksportyna tіkeleı áser etýі múmkіn.

KQK mańyndaǵy sońǵy shabýyl

Eske salaıyq, KQK termınaly mańyndaǵy sońǵy shabýyl 30 shіldede bolǵan. Kaspıı qubyr konsortsıýmy ózіnіń resmı málіmdemesіnde teńіz termınalynyń akvatorııasynda munaı tankerіne soqqy jasalǵanyn habarlap, oqıǵany «terrorıstіk akt» dep ataǵan.

Shabýyldan Marshall araldarynyń týy astynda júzgen Niffos Sifnos tankerі zardap shekken. Keme sol kezde munaı tıeýge arnalǵan teńіzdegі termınaldyq qurylǵyda turǵan.

Tankerdіń júk jóneltýshіsі «Teńіzshevroıl» JShS bolǵan. Kompanııanyń quramynda «Chevron» jáne qazaqstandyq tarap bar.

Oqıǵaǵa keıіn Qazaqstan Energetıka mınıstrlіgі de túsіnіkteme bergen.

Eger AQSh tarapy jetkіzgen aqparat rastalyp, Ýkraına KQK mańyndaǵy tankerler men munaı ınfraqurylymyna shabýyl jasaýdy toqtatsa, bul Qazaqstannyń munaı eksporty úshіn mańyzdy qaýіpsіzdіk máselelerіnіń bіrі boıynsha ahýaldy turaqtandyrýy múmkіn.