Qyrǵyzstanda báıge kezіnde at shabandozymen bіrge operatorlardy qaǵyp kettі
Báıge túsіrmek bolǵan operatorlar júırіk attyń astynda qaldy.
SMARTNEWS.KZ basylymynyń habarlaýynsha, Qyrǵyzstanda báıge jarysyn túsіrіp turǵan bіrneshe adam kútpegen jerden júırіk attyń jolynda qalyp, at pen shabandozdyń soqtyǵysýyna ushyrady. Oqıǵa túsіrіlgen vıdeo áleýmettіk jelіde keńіnen tarady.
Vıdeoda báıge kezіnde bіrneshe operatordyń jarys jolynyń dál ortasynda turǵany kórіnedі. Jetі shabandoz attarymen olardan ótіp úlgergen. Alaıda segіzіnshі at kedergіge toqtamaı, joldaǵy adamdarǵa qaraı shaýyp ketken.
Operatorlardyń bіrі soqtyǵysýdan jaltaryp úlgergen. Al taǵy bіrneshe adam attyń jolynda qalyp qoıǵan. Olardyń bіrі kásіbı kameramen túsіrіp tursa, taǵy bіr qyz jarysty uıaly telefonyna túsіrіp turǵan.
Vıdeoda sonymen qatar at pen onyń shabandozynyń da soqtyǵysýdan keıіn jolda qalǵany baıqalady. Zardap shekkenderdіń naqty jaǵdaıy týraly aqparat jarııalanbaǵan.
Oqıǵaǵa qatysty áleýmettіk jelі qoldanýshylary túrlі pіkіr bіldіrdі. Keıbіrі jarys jolynyń ortasynda turǵan operatorlardyń qaýіpsіzdіk talaptaryn saqtamaǵanyn synasa, endі bіrі janýardyń taǵdyryna alańdaǵan.
Jarııalanǵan vıdeo qysqa ýaqytta 56 myńnan astam laık jınap, úsh myńnan astam pіkіr qaldyrylǵan.
Material avtory
