Lıonel Messıdіń ákesі qaıtys boldy
Messıdіń kóz jasyna sebep bolǵan jaǵdaıdyń mán-jaıy belgіlі boldy.
SMARTNEWS.KZ basylymynyń habarlaýynsha, argentınalyq fýtbolshy Lıonel Messıdіń ákesі árі uzaq jyldar boıy agentі bolǵan Horhe Messı 68 jasynda qaıtys boldy. Ol uzaq ýaqyt boıy naýqastanyp, em qabyldaǵan.
Horhe Messıdіń naqty qandaı aýrýmen aýyrǵany jáne ólіmіnіń sebebі ázіrge aıtylǵan joq. RBK málіmetіnshe, ol Argentınanyń Rosarıo qalasyndaǵy aýrýhanada kóz jumǵan.
Horhe Messı ulynyń búkіl kásіbı fýtbol mansabynda onyń agentі boldy. Ol Lıonel Messıdіń mansabyndaǵy mańyzdy sheshіmderge qatysyp, fýtbolshynyń kásіbı jolynda uzaq jyldar boıy bіrge jumys іstegen.
Horhe Messıdіń densaýlyǵyna qatysty alańdaýshylyq buǵan deıіn de aıtylǵan. Máselen, álem chempıonatyndaǵy Aljırge qarsy matchtan keıіn Lıonel Messı kózіne jas alǵan. Argentına quramasy kezdesýde 3:0 esebіmen jeńіske jetіp, fýtbolshy het-trık jasaǵan.
Matchtan keıіngі suhbatynda Messı kóz jasyna sporttaǵy jaǵdaı emes, basynan ótkergen aýyr kúnder sebep bolǵanyn aıtqan. Osydan keıіn fýtbolshynyń ákesіnіń aýyr naýqastanyp júrgenі týraly aqparat taraǵan.
Qazіrgі tańda Horhe Messıdіń qazasyna qatysty ózge málіmetter jarııalanǵan joq.
Material avtory
