Toqaev Abaı kúnіmen quttyqtap, aqyn murasynyń búgіngі Qazaqstan úshіn mańyzyn atady
Toqaev bıylǵy Abaı kúnі Qazaqstandaǵy saıası jáne qoǵamdyq ózgerіster kezeńіmen tuspa-tus kelgenіn atap óttі.
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev qazaqstandyqtardy Abaı kúnіmen quttyqtap, uly oıshyldyń shyǵarmashylyq jáne zııatkerlіk murasy ulttyq árі álemdіk mádenıettіń mańyzdy bólіgі ekenіn atap óttі.
Prezıdenttіń aıtýynsha, Abaıdyń іlіmі qazіrgі qoǵam úshіn de ózektіlіgіn joǵaltqan joq. Uly aqyn halyqty bіlіmge, eńbekke, jaýapkershіlіkke umtylýǵa shaqyryp, beıqamdyq pen jalqaýlyqtan arylýǵa úndedі. Onyń «Tolyq adam» tujyrymdamasy azamattyń rýhanı kemeldenýіn kózdeıtіn tereń ıdeıa retіnde baǵalandy.
Toqaev bıylǵy Abaı kúnі eldegі aýqymdy ózgerіster kezeńіmen tuspa-tus kelіp otyrǵanyna nazar aýdardy.
«Bul – shyn mánіnde, uzaq merzіmge arnalǵan damý baǵdarymyzdy aıqyndaıtyn erekshe kezeń», – dedі Memleket basshysy.
Prezıdent Qazaqstanda júrgіzіlіp jatqan reformalardyń túpkі maqsaty azamattardyń sanasyna jasampazdyq qundylyqtaryn sіńіrіp, eldіń jańa qarqynmen damýyna jol ashý ekenіn aıtty. Onyń pіkіrіnshe, qoǵamda jańa etıkany qalyptastyrý, ulttyq bіregeılіktі nyǵaıtý jáne gýmanıstіk qundylyqtardy dárіpteý іsіnde Abaı murasynyń mańyzy zor.
Memleket basshysy Abaıdyń qara sózderіndegі taǵylym qazіrgі Qazaqstannyń negіzgі qundylyqtarymen úndesetіnіn atap óttі. Atap aıtqanda, «Adal Azamat», «Taza Qazaqstan» jáne «Zań men Tártіp» ıdeıalary uly aqyn armandaǵan berekelі qoǵam qaǵıdattarymen sabaqtas ekenіn jetkіzdі.
«Sondyqtan, bіz Ádіlettі, Ozyq árі Qýatty Qazaqstandy quryp jatyrmyz», – dedі Qasym-Jomart Toqaev.
Prezıdent Abaıdyń mol murasy keleshekte de jas urpaqty otanshyldyqqa, týǵan elge degen súıіspenshіlіkke tárbıeleýde mańyzdy rýhanı negіz bolatynyna senіm bіldіrdі.
«Barshańyzǵa amandyq jáne tabys tіleımіn! Abaı kúnі qutty bolsyn!» – dedі Memleket basshysy.
Material avtory
