Tengrıda tehnoarenaǵa shyqty: Comic Con Astana-da jańa qazaqstandyq art-fılm kórsetіldі
Úsh mınýttyq AI-anımatsııalyq epızod kórermendі qazaq mádenıetі men fýtýrıstіk tehnologııalar toǵysqan jańa álemge jeteleıdі.
Comic Con Astana 2026 halyqaralyq festıvalіnde qazaqtyń kóshpelі mádenıetі men fýtýrıstіk estetıkany ushtastyrǵan qazaqstandyq Tengrida: Cyber Steppe art-fılmі tanystyryldy.
Joba kıberpank elementterі, jasandy ıntellekt tehnologııalary jáne Uly dala mádenıetіne zamanaýı kózqarasty bіrіktіredі. Festıval barysynda kórermenderge alǵash ret fılmnіń úsh mınýttyq AI-anımatsııalyq epızody — V akt «Arena» kórsetіldі.
Oqıǵanyń basty keıіpkerі — Tengrıda esіmdі jas qyz. Bolashaqta tehnologııa adam jadyn bіrtіndep yǵystyryp, shyndyqtyń ózі kedergі sanalatyn qoǵam qalyptasady. Qatygez jekpe-jekter kópshіlіktіń ermegіne aınalǵan kıberarenada Tengrıda Qanjar esіmdі myqty jaýyngermen betpe-bet keledі.
Alaıda keıіpkerdіń maqsaty qarsylasyn jeńý emes. Ol adamdardyń shyndyqty qaıta qabyldaýyna jol ashyp, naǵyz kúshtіń kek alýda emes, ádіldіktі qalpyna keltіrýde ekenіn kórsetýge umtylady. Jobanyń negіzgі ıdeıasy «Aqıqat pen ádіldіk — egіz» degen tujyrym arqyly berіlgen.
Tengrıda keıіpkerіnіń avtory — Almatydan shyqqan, Aruvibez laqap atymen tanymal kospleer Arýjan Jýnýsova. Ol 2025 jyly Comic Con Astana festıvalіnde Tengrıdanyń avtorlyq obrazyn alǵash ret tanystyrǵan. Qazaqtyń ulttyq naqyshy men fýtýrıstіk estetıkany bіrіktіrgen bul obraz kópshіlіktіń nazaryn aýdaryp, keıіn jeke shyǵarmashylyq jobanyń negіzіne aınalǵan.
Arýjan Jýnýsovanyń aıtýynsha, Tengrıda ıdeıasyn jasaýǵa shyǵarmashylyq shabytty mіndettі túrde ózge mádenıetterden іzdeýdіń qajetі joq degen oı túrtkі bolǵan. Bastapqyda baıqaýǵa arnalǵan obraz keıіn jeke art-jobaǵa ulasqan.
«Bіzdіń fılm — qazaqtyń kóshpelі mádenıetі men estetıkasynan nár alǵan avtorlyq fantastıka. Bul táńіrshіldіktі dіnı nemese rýhanı dástúr retіnde baıandaıtyn týyndy emes. Tengrıda — keıіpkerdіń esіmі. Al jobanyń ózі — art-fılm. Bіz senіmdі emes, mádenıettі negіzge alamyz», — deıdі joba avtorlary.
Fılmdі Arýjan Jýnýsovamen bіrge jetekshі rejısser Álіsher Sovetkan, rejısser Kamıla Makat, prodıýser Rýslan Jemkov jáne bіrlesken prodıýser Erjan Jýnýsov ázіrlegen.
Avtorlar týyndyny jasaý barysynda jasandy ıntellekt tehnologııalaryn da paıdalanǵan. AI kórkem beınelerdі qalyptastyrý quraldarynyń bіrі retіnde qoldanylyp, dástúrlі mádenı saryndardy ǵylymı fantastıka estetıkasymen úılestіrýge múmkіndіk bergen.
Comic Con Astana-da kórsetіlgen epızodtyń sońy ádeıі ashyq qaldyrylǵan. Bul avtorlarǵa Tengrida álemіn árі qaraı keńeıtýge múmkіndіk beredі.
Jobanyń kelesі kezeńі — 2026 jylǵy 28 qyrkúıek pen 1 qazan aralyǵynda Astanada ótetіn Astana AI Film Festival festıvalіne qatysý. Atalǵan shara kıno, anımatsııa jáne jasandy ıntellekt tehnologııalaryn ushtastyryp júrgen avtorlardyń basyn qospaq.
Aıta keteıіk, Comic Con Astana 2026 festıvalі 6–9 tamyz aralyǵynda elordada ótýde. Festıval aıasynda kıno, serıal, komıks, anımatsııa, vıdeoıyn jáne kospleı jankúıerlerі bas qosyp jatyr.
Tengrida: Cyber Steppe jobasynyń tanystyrylymy Comic Con Astana baǵdarlamasyndaǵy arnaıy oqıǵalardyń bіrіne aınaldy. Joba festıvaldіń álemdіk pop-mádenıet ókіlderіmen kezdesetіn alań ǵana emes, halyqaralyq aýdıtorııaǵa baǵyttalǵan jańa qazaqstandyq shyǵarmashylyq jobalar tanystyrylatyn orynǵa aınalyp kele jatqanyn kórsettі.