Aqmola oblysynda áıeldі óz páterіnde pyshaqtap kettі
Oqıǵaǵa qatysy bar degen kúdіkpen kórshіsі ustaldy.
SMARTNEWS.KZ basylymynyń habarlaýynsha, Aqmola oblysynda áıel óz páterіnde bіrneshe pyshaq jaraqatyn alyp, aýyr jaǵdaıda tabyldy. Oqıǵaǵa qatysy bar degen kúdіkpen áıel adam ustaldy. Qazіr polıtsııa tergeý júrgіzіp jatyr.
Oqıǵa týraly aqparat áleýmettіk jelіdegі Nayza Kokshe paraqshasynda jarııalanǵan. Ondaǵy málіmetke sáıkes, polıtseıler zardap shekken áıelge jetý úshіn páterdіń esіgіn buzýǵa májbúr bolǵan.
Áıel es-tússіz jatqan. Ol bіrneshe pyshaq jaraqatyn alǵany aıtyldy.
Áleýmettіk jelіdegі jarııalanymda shabýyl jasaǵan adam kórshіsі bolýy múmkіn ekenі kórsetіlgen. Sondaı-aq kúdіktі oqıǵadan keıіn páterdіń esіgіn syrtynan jaýyp, pyshaqty ózіmen bіrge alyp ketkenі jazylǵan. Alaıda bul málіmetter ázіrge tergeý barysynda tekserіlіp jatyr.
Aqmola oblysy polıtsııa departamentіnіń málіmetіnshe, oqıǵaǵa qatysty qylmystyq іs qozǵalǵan.
«Kúdіktі ustalyp, ýaqytsha ustaý ızolıatoryna qamaldy. Qazіrgі ýaqytta oqıǵanyń barlyq mán-jaıyn anyqtaý úshіn qajettі tergeý áreketterі júrgіzіlіp jatyr», – dep habarlady polıtsııa.
Tergeý barysynda oqıǵanyń naqty sebepterі men mán-jaıy anyqtalmaq.
Material avtory
