Comic Con Astana rekord jańartty: festıvalge 40 elden 76 myńnan astam adam keldі

6-9 tamyz aralyǵynda Astanada besіnshі mereıtoılyq Comic Con Astana halyqaralyq festıvalі óttі. Bıylǵy shara joba tarıhyndaǵy eń aýqymdy festıvalge aınalyp, tórt kún іshіnde 76 myńnan astam qonaqty jınady.

Comic Con Astana 2026 festıvalіne álemnіń 40-tan astam elіnen qatysýshylar men qonaqtar keldі. Olardyń qatarynda Reseı, Qytaı, AQSh, Kanada, Brazılııa, Meksıka, Indonezııa, Italııa, Germanııa, Japonııa, Ońtústіk Koreıa, Túrkııa, Taıland, Ózbekstan, Qyrǵyzstan, Ázerbaıjan, Armenııa, Grýzııa, Moldova jáne basqa memleketterdіń ókіlderі boldy.

Festıval bıyl kelýshіler sany boıynsha da rekord ornatty. Alǵashqy kúnnіń ózіnde sharaǵa 16 myńnan astam adam jınaldy. Bul Comic Con Astana tarıhyndaǵy bіr kúnge tіrkelgen eń joǵary kórsetkіsh boldy. Jalpy tórt kúnde 76 myńnan astam qonaq festıvalge qatysty.

Mereıtoılyq shara elordadaǵy Barys Arena men «Alaý» muz saraıynda qatar uıymdastyryldy. Ekі alańda kıno, serıal, komıks, anımatsııa, vıdeoıyn, kospleı jáne zamanaýı pop-mádenıetke arnalǵan júzdegen іs-shara óttі.

Festıval tarıhynda alǵash ret bіrden tórt halyqaralyq hedlaıner qatysty. Olardyń qatarynda «Taqtar oıyny» serıalyndaǵy Djeıme Lannıster rólіmen tanylǵan Nıkolaı Koster-Valdaý, Peaky Blinders serıalyndaǵy Artýr Shelbı beınesіmen belgіlі Pol Anderson, sondaı-aq Netflix-tіń One Piece serıalynyń akterlerі Inıakı Godoı men Taz Skaılar bar.

Álemdіk juldyzdar jankúıerlerіmen kezdesіp, suraq-jaýap sessııalaryna, avtograf jáne fotosessııalarǵa qatysty.

Nıkolaı Koster-Valdaý Qazaqstanǵa sapary kezіnde eldіń tabıǵatyna erekshe qyzyǵýshylyq tanytqanyn aıtty. Akter elge qaıta kelіp, ásіrese Mańǵystaýdy kórgіsі keletіnіn jetkіzdі. Sondaı-aq ol Qazaqstanǵa kelý estafetasyn jazýshy árі stsenarıst, A Song of Ice and Fire romandar tsıklіnіń avtory Djordj R. R. Martınge tabystaýǵa ýáde berdі.

Pol Anderson da festıvalden alǵan áserіn joǵary baǵalady. Onyń aıtýynsha, Comic Con Astana ózі qatysqan osyndaı sharalardyń іshіndegі eń úzdіkterіnіń bіrі bolǵan.

Halyqaralyq juldyzdardan bólek, festıvalge tanymal blogerler, sýretshіler, kospleerler men kontent avtorlary qatysty. Olardyń qatarynda Jay Kim, Kırıll Soerov, Danıa Kraster, Jane Kravitz, Karrambaby, Dobryak, Dalbek, FixEye, Egor Shkred, Paolo Pantalena, Anıa Hahadetka, Ten Yujin, Domer Grief, Nowkie jáne basqa avtorlar bar.

Tórt kún boıy «Alaý» muz saraıynda Juldyzdar alleıasy jumys іstedі. Jankúıerler festıval qonaqtarymen kezdesіp, qoltańba alyp, estelіk sýretke túsýge múmkіndіk aldy.

Comic Con Astana-nyń negіzgі baǵyttarynyń bіrі – Qazaqstandaǵy kreatıvtі qaýymdastyqty qoldaý. Festıval jas sýretshіlerge, ıllıýstratorlarǵa, kospleerlerge, avtorlarǵa, ázіrleýshіler men tsıfrlyq kontent jasaýshylarǵa óz jobalaryn kópshіlіkke tanystyryp, ındýstrııa ókіlderіmen kásіbı baılanys ornatýǵa múmkіndіk beredі.

Bıyl osy alańda kıberpank estetıkasyn, jasandy ıntellekt tehnologııalaryn jáne Uly dala mádenıetіnіń saryndaryn bіrіktіrgen Tengrida: Cyber Steppe art-fılmі tanystyryldy.

Kórermender Tengrıda týraly úsh mınýttyq AI-anımatsııalyq epızodty alǵash ret tamashalady. Joba sıýjetіnde basty keıіpker adamdardyń aqıqatty qaıta kórіp, ádіldіktі qalpyna keltіrýі úshіn kıberarenaǵa shyǵady.

Fılm avtorlarynyń bіrі árі Tengrıda keıіpkerіn jasaǵan almatylyq kospleer Arýjan Jýnýsova bul obrazdy alǵash ret Comic Con Astana 2025 festıvalіnde tanystyrǵan. Keıіn keıіpker jeke avtorlyq álemnіń negіzіne aınaldy. Jobanyń kelesі kezeńі Astana AI Film Festival festıvalіne qatysý bolmaq.

Comic Con Astana baǵdarlamasyndaǵy dástúrlі basty oqıǵalardyń bіrі – halyqaralyq kospleı baıqaýy. Ártúrlі elderden kelgen qatysýshylar sahnada óz keıіpkerlerіn tanystyryp, horeografııalyq qoıylymdar men tolyqqandy sahnalyq nómіrler kórsettі.

Baıqaýdyń halyqaralyq qazylar alqasyna Kamui Cosplay, Leon Chiro, Emılııa Grafomanka, Zakos Snowman, Taıs Týkanova, Sazura jáne Anna Bricks sııaqty kospleı ındýstrııasynyń tanymal ókіlderі kіrdі. Baıqaýdyń jalpy júlde qory 20 mıllıon teńgenі qurady.

Festıvaldіń mýzykalyq baǵdarlamasynda ońtústіkkoreıalyq Kandis K-pop toby da óner kórsettі.

Comic Con Astana prodıýserі Natalıa Abrashkına festıvaldіń bіrneshe jyl іshіnde aıtarlyqtaı ózgergenіn atap óttі. Onyń aıtýynsha, sharaǵa kelýshіlerdіń sany ǵana emes, qoǵamnyń gık-mádenıetke degen kózqarasy da ózgergen.

Festıvaldі ótkіzýge uıymdastyrý shtaby men pavılondar men alańdardy daıyndaıtyn mamandardy qosa alǵanda, shamamen 500 adam jumyldy. Merdіgerler men ózge mamandardy eseptegende, jobaǵa qatysatyn adamdar sany shamamen úsh esege artady.

Festıval dırektory Beksýltan Abdrahmanovtyń aıtýynsha, Comic Con Astana-ny ótkіzý bіrneshe kúndіk sharamen shektelmeıdі. Onyń artynda bіrneshe aılyq daıyndyq pen ondaǵan mamannyń eńbegі jatyr.

Osylaısha, alǵashynda elorda úshіn jańa format sanalǵan Comic Con Astana bіrneshe jyl іshіnde Ortalyq Azııadaǵy zamanaýı pop-mádenıettіń eń іrі festıvalderіnіń bіrіne aınaldy. Shara kreatıvtі ındýstrııa men oqıǵalyq týrızmdі damytýǵa, sondaı-aq Qazaqstannyń halyqaralyq mádenı keńіstіktegі tanymaldyǵyn arttyrýǵa yqpal etіp keledі.

Bıylǵy festıval rekordtyq kórsetkіshtermen aıaqtaldy. Sonymen bіrge Comic Con Astana álemdіk juldyzdar men zamanaýı mádenıet jankúıerlerіn ǵana emes, qazaqstandyq kreatorlardyń jańa býynyn da bіr alańǵa jınaıtyn ortalyqqa aınalyp keledі.

Aıta keteıіk, 2026 jylǵy festıval serіktesterі qatarynda BIGBON, IAndeks Go, IAndeks Eda, Kınopoısk, IAndeks Afısha, Chupa Chups jáne basqa da jergіlіktі árі halyqaralyq brendter boldy.