Jaqynda Qazaqstan men Sıngapýr arasynda tіkeleı áýe reısterі usha bastaıdy
Ushý geografııasyn keńeıtý jáne halyqaralyq reısterdі ulǵaıtý aıasynda Qazaqstan men Sıngapýr arasynda tіkeleı áýe qatynasyn ashý jumystary júrgіzіlýde, dep habarlaıdy smartnews.kz saıty.
Qazaqstan men Sıngapýrdyń avıatsııalyq bılіk organdary beınebaılanys arqyly kelіssózder júrgіzdі. Qazaqstandyq delegatsııany azamattyq avıatsııa komıtetіnіń tóraǵasy Lastaev Talǵat, Sıngapýr delegatsııasyn Azamattyq avıatsııa basqarmasynyń bas dırektory Han Kok Hýan basqardy.
Kelіssózder barysynda qazaqstandyq tarap tіkeleı reısterge qyzyǵýshylyq bіldіrіp, Sıngapýrlyq avıakompanııalarǵa Qazaqstandaǵy «ashyq aspan» rejımіn, onyń іshіnde aýa bostandyǵynyń «besіnshі dárejesі» quqyǵyn paıdalana otyryp, paıdalanýdy usyndy. Sıngapýrlyq tarap «ashyq aspan» rejımіn quptap, bul usynys sıngapýrlyq avıakompanııalarmen pysyqtalatynyn habarlady.
Taraptar 2023 jylǵy shіldede sıngapýrlyq avıakompanııalar men Sıngapýr-Changı áýejaıynyń qatysýymen ótetіn kezdesý sheńberіnde áýe qatynasyn ashý máselelerіn talqylaýdy jalǵastyrýǵa kelіstі.
Sonymen qatar, Sıngapýr tarapy Sıngapýrdyń azamattyq avıatsııa akademııasynda oqýdan ótý múmkіndіgі týraly aıtty.
Qazaqstandyq tarap «Eır Astana» áýekompanııasynyń elder arasyndaǵy ushýlardy oryndaýdy bastaý josparyn atap óttі.