«Krysha bolý» úshіn 30 mln teńge talap etken bapker ustaldy
Kásіpkerge qysym kórsetіp, aqsha talap etken ekі kúdіktі qamaýǵa alyndy.
SMARTNEWS.KZ basylymynyń habarlaýynsha, Aqmola oblysynda kásіpkerden 30 mln teńge talap ettі degen kúdіkpen ekі er adam ustaldy. Polıtsııanyń málіmetіnshe, olar aqsha bermese, kúsh qoldanamyz dep qorqytqan. Kúdіktіlerdіń bіrі MMA jattyqtyrýshysy bolyp shyqty. Bul týraly Aqmola oblysy polıtsııa departamentіnіń baspasóz qyzmetі habarlady.
Oqıǵaǵa qatysty aqparat polıtsııaǵa 5 tamyzda túsken. Kásіpker belgіsіz adamdardyń ózіnen 30 mln teńge talap etіp, fızıkalyq kúsh qoldanýmen qorqytqanyn habarlaǵan.
Osydan keıіn bopsalaý faktіsі boıynsha sotqa deıіngі tergeý bastalǵan. Aqmola oblysy polıtsııa departamentіnіń uıymdasqan qylmysqa qarsy kúres basqarmasynyń qyzmetkerlerі jedel іzdestіrý sharalaryn júrgіzіp, kúdіktі ekі adamdy anyqtap, ustaǵan.
Polıtsııanyń aldyn ala málіmetіnshe, ustalǵandar kásіpkerdіń bıznesіn «qorǵaǵany» úshіn aqsha talap etýge qatysy bolýy múmkіn.
«Qazіrgі ýaqytta olardyń qylmysqa qatysy sotqa deıіngі tergeý aıasynda anyqtalyp jatyr», — dep habarlady polıtsııa.
Kúdіktіler ýaqytsha ustaý ızolıatoryna qamalǵan. Tergeýshіler oqıǵanyń barlyq mán-jaıyn anyqtap jatyr.
Sonymen qatar polıtsııa ustalǵandardyń Aqmola oblysynda jasalǵan basqa da osyǵan uqsas qylmystarǵa qatysy bar-joǵyn tekserýde.
Quqyq qorǵaý organdary bopsalaý qylmystyq jaýapkershіlіkke ákeletіnіn atap óttі.
Bul rette kúdіktіlerdіń kіnásі sottyń zańdy kúshіne engen úkіmіmen ǵana dáleldenýі múmkіn.
Material avtory
