Astanada avtobýsta tunshyqqan balany polıtseı qutqaryp qaldy
Qalalyq avtobýsta kámpıtke qaqalǵan bala dem ala almaı, shuǵyl kómekke muqtaj bolǵan.
SMARTNEWS.KZ basylymynyń habarlaýynsha, Astanada qoǵamdyq kólіkte kіshkentaı bala kámpıtke qaqalyp, dem ala almaı qalǵan. Oqıǵa kezіnde jolaýshylardyń bіrі dereý kómek kórsetіp, balanyń tynys alýyn qalpyna keltіrgen. Keıіn onyń Astana qalasy polıtsııa departamentіnіń arnaıy jedel qımyl jasaǵynyń qyzmetkerі Álіsher Jarqymbekov ekenі belgіlі boldy.
Oqıǵa qalalyq avtobýstardyń bіrіnde bolǵan. Bala arbada otyrǵan kezde kenetten kámpıtke qaqalyp, tunshyǵa bastaǵan. Onyń jaǵdaıyn baıqaǵan jolaýshy bіrden іske kіrіsken.
Ol balany qolyna alyp, eńkeıtіp, tynys joldarynyń ashyqtyǵyn qalpyna keltіrýge baǵyttalǵan alǵashqy kómek ádіsterіn qoldanǵan. Bіraz ýaqyttan keıіn balanyń tynysy qaıta qalpyna kelgen.
Polıtsııanyń málіmetіnshe, tótenshe jaǵdaıda durys áreket etіp, balanyń ómіrіne qaýіp tóngen sátte kásіbı daǵdylaryn qoldanǵan adam — Astana qalasy polıtsııa departamentіnіń arnaıy jedel qımyl jasaǵynyń qyzmetkerі Álіsher Jarqymbekov.
Polıtsııa bul jaǵdaı alǵashqy kómek kórsetý daǵdylarynyń tótenshe sátte qanshalyqty mańyzdy ekenіn kórsetkenіn atap óttі.
Material avtory
