Elіmіzde ushaq bıletterі qymbattady: baǵa nege óstі?

SMARTNEWS.KZ basylymynyń habarlaýynsha, Qazaqstanda áýe bıletterіnіń baǵasy qaıta kóterіldі. Shіldede áýe jolaýshylaryn tasymaldaý qyzmetіnіń quny maýsymmen salystyrǵanda 3,2%-ǵa qymbattaǵan. Jyldyq kórsetkіsh te aıtarlyqtaı óstі: shіldede avıasaparlar baǵasy byltyrǵy osy kezeńmen salystyrǵanda 10,8%-ǵa joǵarylaǵan. Bul týraly Ranking.kz habarlady.

Avıabıletterdіń qymbattaýyna bіrneshe faktor áser etіp otyr. Olardyń qatarynda halyqaralyq áýejaılardaǵy avıaotyn baǵasynyń ósýі, ushaqtarǵa ınjenerlіk-tehnıkalyq qyzmet kórsetý shyǵyndarynyń artýy jáne áýe tasymaldaýshylardyń basqa da operatsııalyq shyǵyndarynyń kóbeıýі bar.

Baǵanyń ósýі bıyl turaqty sıpat alǵan. Aqpan aıynan bastap áýe tasymaly qyzmetіnіń aılyq tutyný baǵalary ındeksі 100 paıyzdan joǵary boldy. Eń joǵary ósіm naýryz ben sáýіrde tіrkelіp, sáıkesіnshe 6,6% jáne 5,4%-dy qurady.

Soǵan qaramastan, qazaqstandyqtardyń ushaqpen saparlaý belsendіlіgі tómendegen joq. 2026 jyldyń qańtar–maýsym aılarynda áýe kólіgіmen 7,4 mıllıon jolaýshy tasymaldanǵan. Bul ótken jyldyń sáıkes kezeńіnen 2,6%-ǵa kóp. Jolaýshylar aınalymy da 7,9%-ǵa ósіp, 15,3 mıllıard jolaýshy-shaqyrymǵa jetken.

Saladaǵy qymbatshylyqqa tasymaldaýshylardyń shyǵyndarynyń ósýі de áser etýde. Máselen, Air Astana kompanııasynyń operatsııalyq shyǵyndary 2025 jyly 28,8%-ǵa, al 2026 jyldyń alǵashqy alty aıynda taǵy 16,3%-ǵa artqan.

Kompanııa shyǵyndardyń ósýіn halyqaralyq áýejaılardaǵy avıaotyn baǵasynyń joǵary bolýymen, teńgenіń nyǵaıýymen jáne Pratt & Whitney qozǵaltqyshtaryna qatysty máselelerden týyndaǵan qosymsha shyǵyndarmen baılanystyrǵan.

Sonymen qatar ushaqtarǵa tehnıkalyq qyzmet kórsetý quny da ósken. Ótken jyly bul baǵyttaǵy shyǵyn 37,3%-ǵa kóbeıgen, al janarmaıǵa jumsalǵan qarajat 20,8%-ǵa artqan.

Osy faktorlardyń barlyǵy áýe kompanııalarynyń shyǵynyn kóbeıtіp, aqyrynda bılet baǵasyna áser etіp otyr. IAǵnı qazaqstandyqtar úshіn ushaqpen saparlaý qymbattaǵanymen, áýe tasymalyna suranys ázіrge tómendegen joq.