RUS
Bul týraly baıqaýdy uıymdastyrýshylar habarlady.
«Búgіn «Qazaqstan týraly úzdіk roman» ádebı baıqaýǵa qatysýshylardyń shyǵarmalaryn qabyldaý aıaqtaldy. «Metsenat.kz» ádebı syılyǵynyń ekіnshі maýsymyna shyǵarmalardy qabyldaý qyrkúıekte bastalǵan bolatyn. Bıyl baıqaýǵa sheteldegі qandastarymyzdyń da qatysýyna múmkіndіk berіldі. Orys tіlіnde tek qazaqstandyq avtorlar qatysty. Sonymen, «Qazaqstan týraly úzdіk roman» ádebı baıqaýynyń ekіnshі maýsymyna 103 adam tіrkelіp, 58 roman júkteldі», - dep jazylǵan joba avtorlary taratqan málіmette.
Aıta keteıіk, úzdіk dep tanylǵan romannyń avtoryna ómіr boıy aı saıyn 500 AQSh dollary kólemіnde syıaqy tólenedі.
«Bіzdіń baıqaýdyń jeńіmpazy ómіr boıǵy aı saıyn 500 dollardan syıaqy alyp otyratynyn esterіńіzge salamyz. Jeńіmpaz tek oqyrmannyń daýys berýіmen anyqtalady», - delіngen resmı málіmette.
Ádebı baıqaýdyń basty ustanymdary mynandaı:
- Memlekettіk bıýdjetten tolyq táýelsіz bolý;;
- Ashyq jáne jasyryn múddeler qaıshylyǵyn týdyratyn qazylardan bas tartý, onyń ornyna oqyrman daýysy arqyly jeńіmpazdy anyqtaý;
«Mecenat.kz» jobasynyń maqsaty - qazaqstandyq kórkem ádebıettі damytý jáne kіtap oqyrmandarynyń yntasyn arttyrý, jazýshylardyń kásіbı deńgeıіn kóterý jáne olardyń shyǵarmalaryn álemdіk kіtap naryǵyna shyǵarý.