Býrabaıdaǵy RIXOS qonaqúıі feıerverk atqany úshіn jazalandy
Pırotehnıka «Býrabaı» memlekettіk ulttyq tabıǵı parkіne іrgeles aýmaqta qoldanylǵan.
SMARTNEWS.KZ basylymynyń habarlaýynsha, Býrabaıda RIXOS LAKE BOROVOE qonaqúıіnіń aýmaǵynda feıerverk atylyp, onyń ıesі men pırotehnıkany іske qosqan uıym ákіmshіlіk jaýapqa tartyldy. Bul týraly Aqmola oblysynyń Tótenshe jaǵdaılar departamentі jazdy.
Oqıǵa qonaqúıge tıesіlі, «Býrabaı» memlekettіk ulttyq tabıǵı parkіne іrgeles aýmaqta bolǵan. Salıýttіń ormandy aımaqta atylǵan sátі túsіrіlgen vıdeo áleýmettіk jelіde tarap, qoǵam nazaryn aýdardy.
Feıerverk jeldі aýa raıynda jáne órt qaýpі joǵary kezeńde іske qosylǵan. Tótenshe jaǵdaılar departamentі muny órt qaýіpsіzdіgі talaptaryn buzý dep baǵalady.
Nátıjesіnde qonaqúı ıesі men pırotehnıkany uıymdastyrǵan zańdy tulǵa Ákіmshіlіk quqyq buzýshylyq týraly kodekstіń 410-babynyń 1-bólіgі boıynsha jaýapqa tartyldy.
Qutqarýshylar órt qaýpі joǵary kezeńde qaýіpsіzdіk talaptaryn qatań saqtap, órt shyǵý qaýpіn týǵyzýy múmkіn jerlerde ashyq ot pen pırotehnıkalyq buıymdardy paıdalanbaý qajet ekenіn eskerttі.
Material avtory
