Kúıeýіn pyshaqtap óltіrdі degen áıel sotta aqtalyp shyqty
Er adam asúı pyshaǵy kіrіp kóz jumǵanymen, sot áıeldіń kіnásіn ekenіn dáleldegen.
SMARTNEWS.KZ basylymynyń habarlaýynsha, Almaty oblysynda otbasylyq janjal kezіnde kúıeýіnіń ólіmіne sebep boldy dep aıyptalǵan áıel sotta aqtaldy. Alqabıler ony qylmys jasaǵany úshіn kіnálі emes dep tanyǵan. Bul týraly Almaty oblysynyń qylmystyq іster jónіndegі mamandandyrylǵan aýdanaralyq soty jazdy.
Qaıǵyly oqıǵa 2026 jylǵy 1 mamyrda erlі-zaıyptylardyń úıіnde bolǵan. Sot materıaldaryna sáıkes, janjal kezіnde áıel kúıeýіne asúı pyshaǵymen keýde tusynan soqqy jasaǵan. Er adam alǵan jaraqatynan qaıtys bolǵan.
Osydan keıіn áıelge Qylmystyq kodekstіń 99-babynyń 1-bólіgі, ıaǵnı adam óltіrý boıynsha aıyp taǵylǵan. Istі alqabılerdіń qatysýymen Almaty oblysynyń qylmystyq іster jónіndegі mamandandyrylǵan aýdanaralyq soty qarady.
Sot otyrysynda taraptar usynǵan dálelder jan-jaqty zertteldі. Nátıjesіnde alqabıler sottalýshyny taǵylǵan aıyp boıynsha kіnásіz dep tanydy. Osy verdıkt negіzіnde sot áıelge qatysty aqtaý úkіmіn shyǵardy.
Sonymen qatar sot onyń qamaýda ustaý túrіndegі bultartpaý sharasyn joıdy. Jábіrlenýshі taraptyń moraldyq jáne materıaldyq zııandy óteý týraly azamattyq talap-aryzy da qanaǵattandyrylǵan joq.
Is boıynsha protsestіk shyǵyndar memleket esebіne jatqyzyldy.
Sot úkіmі ázіrge zańdy kúshіne engen joq.
Material avtory
