Nuraı Serіkbaıdyń ólіmі: prokýror aıyptalýshyǵa ómіr boıyna sottaýdy surady
Prokýror qylmysty erekshe qatygezdіkpen jasalǵan áreket dep baǵalap, eń qatań jazany talap ettі.
SMARTNEWS.KZ basylymynyń habarlaýynsha, Shymkentte 21 jastaǵy Nuraı Serіkbaıdyń ólіmіne qatysty sot protsesіnde memlekettіk aıyptaýshy Sherhan Aımahanǵa ómіr boıyna bas bostandyǵynan aıyrý jazasyn taǵaıyndaýdy surady. Bul týraly Kazinform agenttіgі habarlady.
Sot jaryssózіnde prokýror Madııar Abylqasymovtyń aıtýynsha, aıyptalýshy Nuraıdy uzaq ýaqyt boıy ańdyp, qorqytyp kelgen. Osyǵan baılanysty qyz telefon nómіrіn bіrneshe ret aýystyryp, Almatyda jasyrynýǵa májbúr bolǵan.
Memlekettіk aıyptaýshy іstegі májbúrlі alyp qashý epızodyna da toqtaldy. Onyń sózіnshe, Nuraıdyń Aımahanǵa «óz erkіmen» barǵanyn kórsetetіn vıdeo qysym arqyly jáne aldyn ala jattatylǵan mátіn boıynsha túsіrіlgen.
Prokýror aıyptalýshynyń qylmysty affekt jaǵdaıynda jasaǵany týraly ýájіn de negіzsіz dep sanaıdy. Sot-psıhıatrııalyq jáne psıhologııalyq saraptamalar onyń óz áreketіnіń qaýіptіlіgіn túsіngenіn kórsetken.
Memlekettіk aıyptaý tarapy Sherhan Aımahandy Qylmystyq kodekstіń bіrneshe baby boıynsha kіnálі dep tanýdy surady. Onyń іshіnde erekshe qatygezdіkpen jasalǵan adam óltіrý, nekege turýǵa májbúrleý jáne ańdýǵa qatysty baptar bar.
Prokýrordyń suraǵan túpkіlіktі jazasy – tótenshe qaýіpsіzdіk mekemesіnde ómіr boıyna bas bostandyǵynan aıyrý. Sonymen qatar jábіrlenýshіlerge ótemaqy tóleý qoryna 30 AEK kólemіnde májbúrlі tólem jáne saraptamalarǵa jumsalǵan protsestіk shyǵyndardy óteý suraldy.
Nuraı Serіkbaı іsі
Tergeý málіmetіnshe, qylmys 2026 jylǵy 11 qańtarda Shymkentte bolǵan. Nuraı Serіkbaıdyń ólіmіne qatysty іs boıynsha Sherhan Aımahanǵa aıyp taǵylǵan.
Aıyptaý nusqasyna sáıkes, Nuraı buryn da onyń tarapynan qysym kórgen. Is boıynsha sot shіlde aıynda bastalǵan. Tergeý barysynda qyzǵa pyshaqpen bіrneshe ret jaraqat salynǵany anyqtalǵan.
Aıyptalýshy buǵan deıіn taǵylǵan kіnánі moıyndamaı, qylmysty affekt jaǵdaıynda jasaǵanyn aıtqan. Alaıda saraptama onyń esі durys bolǵanyn kórsettі.
Qaza tapqan qyzdyń otbasy sottan aıyptalýshydan 10 mıllıard teńgeden astam materıaldyq jáne moraldyq ótemaqy óndіrýdі talap etken.
Material avtory
