RUS
Osymen úshіnshі ret uıymdastyrylyp otyrǵan sharada QR Ulttyq Bank, Jusan Invest jáne Jusan Analytics spıkerlerі qarjy esebі jáne statıstıkamen qalaı jumys іsteý keregіn aıtyp berdі. Buǵan qosa trenıngte ınvestıtsııa degenіmіz ne jáne halyq arasynda ınvestıtsııa jasaý mádenıetіn damytý nelіkten mańyzdy ekenі sóz etіldі.
Qatysýshylar qarjy ónіmderі men qyzmetterі, sondaı-aq bank sektorynyń erejelerі men prıntsıpterі jaıly oı-túsіnіkterіn keńeıttі. Munymen qosa salanyń bedeldі sarapshylary sońǵy analıtıkalyq zertteýlerdіń nátıjelerіn usyndy. Jýrnalıster QR Ulttyq Bankіnіń resmı saıtynda derekter men statıstıkany paıdalaný, qor naryǵy men KASE qyzmetіn, trendterіn túsіný, ekіnshі deńgeılі bankterdіń qarjy esepterіn durys oqı bіlýdі úırendі.
«Qarjylyq turǵydan saýatty bolý tek negіzgі qarjy úderіsterіn túsіný ǵana emes, odan bólek jeke qarajatyńdy tıіmdі basqaryp, oǵan jaýapkershіlіkpen qaraý, bıýdjetіńdі josparlap jáne ártúrlі qarjy quraldaryna, sonyń іshіnde baǵaly qaǵazdarǵa durys ınvestıtsııa jasaı bіlý degen sóz. Al qarjy salasy týraly jazatyn jýrnalıster úshіn qarjy esepterі jaıly aqparatty oqyrmanǵa durys jetkіzіp, sondaı-aq kúrdelі derekterdі túsіnіktі etіp jaza bіlý de asa mańyzdy. Dál osyndaı trenıngter jýrnalısterdіń saladaǵy bіlіktіlіgіn jetіldіrіp, BAQ arqyly Qazaqstan halqynyń qarjy saýattylyǵyn arttyrýǵa sep bolady», - deıdі Jusan Bank-tіń PR dırektory Gaýhar Kerіmova.
Jusan Bank klıentterіnіń áleýetіn júzege asyrý úshіn qarjylyq múmkіndіkter syılap qana qoımaı, gýmanıtarlyq, bіlіm berý jáne áleýmettіk bastamalarǵa qatysý arqyly olardyń ómіr sapasyn jaqsartyp, mańyzdy jobalardy qoldaýdy jalǵastyrmaq.
