Aqmola oblysyndaǵy jol apatynan Germanııadan kelgen erlі-zaıypty qaza tapty
Jol apatynan keıіn mıkroavtobýs júrgіzýshіsі qamaýǵa alynyp, tergeý bastaldy.
SMARTNEWS.KZ basylymynyń habarlaýynsha, Aqmola oblysynda Germanııadan Qazaqstanǵa kelgen erlі-zaıypty jol apatynan qaza tapty. Olardyń toǵyz jastaǵy qyzy jaraqat alyp, aýrýhanaǵa jetkіzіldі. Bul týraly KTK telearnasy habarlady.
Jol apaty 10 tamyzǵa qaraǵan túnі Aqkól mańynda bolǵan. Mercedes-Benz Sprinter mıkroavtobýsy GAZ-53 júk kólіgіmen soqtyǵysqan. Soqqydan júk kólіgі aýdarylyp, mıkroavtobýs qatty zaqymdanǵan.
Mıkroavtobýstyń aldyńǵy oryndyǵynda otyrǵan 59 jastaǵy er adam kólіk іshіnde qysylyp qalyp, oqıǵa ornynda kóz jumdy. Onyń 52 jastaǵy áıelі aýrýhanaǵa jetkіzіlgenіmen, dárіgerler onyń ómіrіn saqtap qala almady.
Jol apatynan barlyǵy segіz adam zardap shektі. Zardap shekkenderdіń qatarynda qaza bolǵan erlі-zaıyptynyń toǵyz jastaǵy qyzy da bar. Jolaýshylardyń barlyǵy medıtsınalyq kómekke júgіngen.
Aqmola oblysynyń densaýlyq saqtaý basqarmasynyń málіmetіnshe, alty adam travmatologııa bólіmіne jatqyzylǵan. Olardyń arasynda túrlі deńgeıdegі jaraqat, soǵylý, syrylý jáne synyqtar bar.
Taǵy bіr áıeldіń jaǵdaıy óte aýyr bolǵan. Ol aýrýhanaǵa jetkіzіlіp, jasandy tynys alý apparatyna qosylǵan jáne dárіgerler reanımatsııalyq sharalar júrgіzgen. Alaıda medıtsına qyzmetkerlerіnіń barlyq áreketіne qaramastan, áıel qaıtys boldy.
Mıkroavtobýs júrgіzýshіsі ýaqytsha ustaý ızolıatoryna qamaldy. Oqıǵanyń mán-jaıy anyqtalyp jatyr.
Material avtory
