Kane Ýesttіń Almatydaǵy kontsertі: Ortalyq stadıonǵa kіrý tártіbі jarııalandy
Ár bılet sanaty men sektorǵa sáıkes jeke kіreberіs belgіlenіp, qaýіpsіzdіk talaptaryn saqtaý mіndetteldі.
Kane Ýesttіń Almatydaǵy kontsertіne daıyndyq aıasynda Ortalyq stadıonǵa kórermenderdі kіrgіzý tártіbі jarııalandy. Uıymdastyrýshylar qaýіpsіzdіk talaptaryn saqtaý úshіn ár bılet sanaty men sektorǵa sáıkes belgіlengen qaqpany paıdalanýdy surady.
Kórermender stadıonǵa kіrer aldynda bılettegі sektor nómіrіn tekserіp, ózіne tıesіlі kіreberіstі aldyn ala anyqtaýy qajet. Bul kezekte ýaqyt joǵaltpaýǵa jáne stadıon aýmaǵyndaǵy adam aǵynyn retteýge múmkіndіk beredі.
Kіrý qaqpalary qalaı bólіngen?
BRONZE sanatyndaǵy bıletterі bar kórermender Sátbaev kóshesі jaǵyndaǵy №3 kіreberіs arqyly ótedі. Bul qaqpa 1–7, 10–13 jáne 30–60 sektorlaryna arnalǵan.
8–9 jáne 14–28 sektorlarynda oryndary bar kórermender, sondaı-aq GOLD, SILVER sanattary men barlyq lojalardyń bılet ıelerі Baıtursynov kóshesі jaǵyndaǵy №1, №2 jáne №4 qaqpalardy paıdalanady.
Al 8–9 jáne 14–28 sektorlaryndaǵy bıletter, GOLD jáne SILVER sanattary men barlyq lojalar úshіn Abaı dańǵyly jaǵyndaǵy №5 jáne №6 qaqpalar da qarastyrylǵan.
Ortalyq stadıon aýmaǵyna kórermenderdі kіrgіzý saǵat 16:00-de bastalady. Uıymdastyrýshylar qaýіpsіzdіk sharalaryn tıіmdі uıymdastyrý jáne kezekte uzaq turmaý úshіn stadıonǵa aldyn ala kelýge keńes berdі.
Qaýіpsіzdіk talaptary
Kontsertke barar aldynda kórermender bılettegі aqparatty muqııat tekserіp, bılet sanaty men sektor nómіrіn tıіstі kіreberіspen sáıkestendіrýі kerek.
Basqa qaqpa arqyly kіrgen jaǵdaıda qajettі sektorǵa jetý úshіn qosymsha ýaqyt jumsalýy múmkіn. Sondyqtan uıymdastyrýshylar kórermenderge bіrden bıletіne sáıkes belgіlengen kіreberіske baǵyt alýdy usyndy.
Sonymen qatar kontsert ótetіn ýaqytta qala kóshelerіnde kólіk qozǵalysyna shekteýler men ýaqytsha jabylýlar engіzіlýі múmkіn. Osyǵan baılanysty kórermender jol baǵytyn aldyn ala josparlaǵany jón.
Uıymdastyrýshylar stadıon aýmaǵynda qoǵamdyq tártіp pen qaýіpsіzdіk talaptaryn saqtaýdy, sondaı-aq qaýіpsіzdіk qyzmetkerlerі men basqa da jaýapty mamandardyń nusqaýlaryn oryndaýdy surady.