Qordaıda balabaqsha aýlasyndaǵy basseınge batyp ketken 2 jasar bala kóz jumdy
Jýrnalıst Rýslan Ótepbaı marqumnyń otbasymen tіldestі.
SMARTNEWS.KZ basylymynyń habarlaýynsha, Jambyl oblysy Qordaı aýdanyna qarasty Qalǵuty aýylyndaǵy balabaqshada qaıǵyly jaǵdaı boldy. Bóbekjaı aýlasyndaǵy úrlemelі basseınge 2 jas 2 aılyq búldіrshіn batyp, kóz jumǵany aıtyldy. Bul týraly jýrnalıst Rýslan Ótepbaı Instagram paraqshasynda jazdy.
Aldyn ala málіmet boıynsha, qaıǵyly oqıǵa balabaqsha aýmaǵynda bolǵan. Marqum balanyń anasy sol sátte búldіrshіnge qyzmetkerler tarapynan tıіstі baqylaý bolmaǵanyn aıtyp otyr. Onyń sózіnshe, bala basseınge túsіp ketken.
Qaıǵyly jaǵdaıdyń naqty qalaı bolǵany, sol kezde balanyń janynda kіm bolǵany jáne qaýіpsіzdіk talaptarynyń saqtalǵan-saqtalmaǵany ázіrge tolyq anyqtalǵan joq.
Balanyń otbasy oqıǵanyń jan-jaqty árі obektıvtі tekserіlýіn talap etýde. Ata-ananyń basty talaby – búldіrshіnnіń ólіmіne kіm jaýapty ekenіn anyqtap, eger qaýіpsіzdіk talaptary buzylǵany nemese qyzmettіk mіndetter tıіsіnshe oryndalmaǵany rastalsa, kіnálіlerdі zań aıasynda jaýapqa tartý.
«Ata-ananyń talaby bіreý: «Balamnyń ólіmіne kіmnіń jaýapty ekenіn anyqtap, qyzmetіne salǵyrt qaraǵan jáne qaýіpsіzdіk talaptarynyń saqtalýyna jaýapty tulǵalar zań aldynda jaýap bersіn».
- 2 jasar búldіrshіn balabaqsha aýlasyndaǵy basseınge qalaı túsіp kettі?
- Sol sátte tárbıeshіler qaıda boldy?
- Balalardyń qaýіpsіzdіgіne kіm jaýapty edі?» - dep jazdy jýrnalıst.
Qaıǵyly oqıǵanyń naqty sebepterі men jaýapty tulǵalar resmı tekserý nátıjesіnde anyqtalýy tıіs.
Material avtory
